Skólamál
Skólamálanefndir og skólamálaráð
Á vegum aðildarfélaga Kennarasambandsins starfa 3-7 manna skólamálanefndir sem sinna faglegum málefnum fyrir félagsmenn þeirra.
Hlutverk skólamálanefnda er:
- Að fjalla um fagleg málefni og skólamál í samráði við stjórn og skólamálaráð,
- að vinna að eflingu kennaramenntunar og endurmenntunar félagsmanna,
- að annast tengsl við fagfélög og sambærilegar nefndir annarra uppeldisstétta.
Skólamálanefndir félaga mynda Skólamálaráð ásamt formanni ráðsins sem skipaður er af stjórn Kennarasambands Íslands. Skólamálaráð heldur a.m.k. einn fund á ári. Formenn skólamálanefnda félaga og formaður skólamálaráðs mynda framkvæmdastjórn.
Hlutverk Skólamálaráðs er:
- Að fjalla um uppeldis- og skólamál á hverjum tíma og álykta um þau til stjórnar KÍ,
- að vera stjórn til ráðuneytis um stefnumörkun á hverjum tíma,
- að fara með mál sem tengjast faglegri menntun félagsmanna,
- að standa fyrir fundi með fulltrúum fagfélaga,
- að halda ráðstefnu eða þing á hverju kjörtímabili,
- að fjalla um skólastefnu Kennarasambands.
Skólamálafréttir
10. mar. 2010
Dapurt menntaþing?
Heldur var dapurt hljóðið í tveimur kennurum sem blaðamaður KÍ hitti að máli eftir menntaþing menntamálaráðuneytisins sl. föstudag. Þeir gagnrýndu fyrst og fremst að rætt var um málin eins og allt væri hægt að gera og engu þyrfti að fórna, á meðan vitað væri að staðan væri allt önnur.Lesa frétt
22. feb. 2010
Styrkir til rannsókna og þróunarverkefna í grunnskólum skólaárið 2010-2011
Verkefna- og námsstyrkjasjóður Félags grunnskólakennara og Skólastjórafélags Íslands auglýsir styrki til félagsmanna sinna sem vinna að rannsóknum, þróunarverkefnum og nýbreytni í kennsluháttum í grunnskólum skólaárið 2010-2011.Lesa frétt
12. feb. 2010
Fræðslufundur skólamálaráðs, glærur frá Jóni Hrólfi
Komnar eru inn glærur frá Jóni Hrólfi Sigurjónssyni, einum fyrirlesara á síðasta fræðslufundi skólamálaráðs KÍ, um listfræðslu á Íslandi.Lesa frétt
29. jan. 2010
Glærur frá fundi Skólamálaráðs KÍ að koma inn
Glærur frá fróðlegum fundi Skólamálaráðs, sem haldinn var miðvikudaginn 27. janúar sl., verða aðgengilegar á vef KÍ. Nú þegar er efni frá Hafdísi Ingvarsdóttur komið inn en hún gerði grein fyrir niðurstöðum rannsóknar sinnar á reynslu framhaldsskólakennara á fyrsta starfsári.Lesa frétt