Kennarasamband Íslands

21. maí 2013

Niðurskurðurinn bitnar grimmdarlega á starfi framhaldsskólanna

„Reiði ríkir meðal félagsmanna í framhaldsskólunum sem þykir störfum sínum lítill sómi sýndur og svíður fálæti ráðamanna um hag og kjör nemenda og starfsmanna. Við þeim blasir launamunur upp á að meðaltali rúmlega þrjá launaflokka miðað við samanburðarhópa, eða rúmlega 16% á dagvinnulaunum og rúmlega 8% á heildarlaunum,“ segir Elna K. Jónsdóttir í grein í Skólavörðunni.
Lesa meira

17. maí 2013

Samþykkt stjórnar KÍ um tillögur verkefnisstjórnar samráðsvettangs um aukna hagsæld

Kennarasamband Íslands fagnar þeirri umræðu um menntamál sem orðið hefur eftir að verkefnisstjórn samráðsvettvangs um aukna velsæld á Íslandi setti fram tillögur sínar. KÍ óskaði eftir að fá fulltrúa í samráðsvettvanginn en fékk ekki. KÍ er fag- og stéttarfélag, og heildarsamtök allra kennara, náms- og starfráðgjafa og stjórnenda í leik-, grunn-, framhalds- og tónlistarskólum, alls 10.300 félagsmanna sem starfa í skólum upp að háskólastigi.
Lesa meira

17. maí 2013

Nýr forseti Menntavísindasviðs Dr. Jóhanna Einarsdóttir

Dr. Jóhanna Einarsdóttir prófessor í menntunarfræði við Háskóla Íslands var ráðinn forseti Menntavísindasviðs skólans í gær, 16. maí. Jóhanna lauk doktorsprófi í menntunarfræðum ungra barna árið 2000 frá Háskólanum í Illinois í Bandaríkjunum.
Lesa meira

16. maí 2013

Samþykkt frá Félagi framhaldsskólakennara um tillögur verkefnisstjórnar samráðsvettvangs um aukna hagsæld á Íslandi

Félag framhaldsskólakennara sendir frá sér samþykkt þar sem brugðist er við tillögum verkefnisstjórnar samráðsvettvangs um aukna hagsæld á Íslandi. Í samþykktinni er, m.a. fjallað um tillögur verkefnisstjórnarinnar um styttingu námstíma og til að sporna gegn brottfalli nemenda úr framhaldsskólum.
Lesa meira

16. maí 2013

Evrópumerkið / European Language Label árið 2013

Framkvæmdastjórn Evrópusambandsins og menntamálaráðuneytið veita Evrópumerkið sem viðurkenningu fyrir nýbreytni í tungumálanámi og tungumálakennslu. Evrópumerkið er veitt annað hvert ár og er ráðgert að viðurkenning verði veitt á Uppskeruhátíð Evrópuáætlana í nóvember 2013. Umsóknarfrestur um Evrópumerkið er til 15. ágúst nk.
Lesa meira

16. maí 2013

Ársfundur Lífeyrissjóður starfsmanna Reykjavíkurborgar 2013

Ársfundur Lífeyrissjóðs starfsmanna Reykjavíkurborgar 2013, verður haldinn miðvikudaginn 22. maí kl. 16:00 í húsakynnum BSRB að Grettisgötu 89, Reykjavík.
Lesa meira

16. maí 2013

Ársfundur Lífeyrissjóðs starfsmanna sveitarfélaga 2013

Ársfundur Lífeyrissjóðs starfsmanna sveitarfélaga verður haldinn þriðjudaginn 21. maí kl. 16:30, í sal Bandalags háskólamanna að Borgartúni 6, 3. hæð, Reykjavík.
Lesa meira

15. maí 2013

Fulltrúar samráðsvettvangs um aukna hagsæld á fundi í Kennarahúsinu

Fulltrúar af samráðsvettvangi um aukna hagsæld komu til fundar við forystufólk KÍ í Kennarahúsinu í morgun. Tilefni fundarins var að ræða fram komnar tillögur verkefnisstjórnar samráðsvettvangsins um menntamál og framsetningu þeirra. Athygli hefur vakið að Kennarasambandið átti ekki fulltrúa í samstarfsvettvanginum þrátt fyrir að þar séu lagðar fram mikilvægar tillögur um skóla- og menntamála en KÍ hafði óskað eftir að taka þátt.
Lesa meira

15. maí 2013

Ályktun Kennarafélags MK Snúum vörn í sókn í málefnum framhaldsskólans

Í framhaldi af aðalfundi Kennarafélags Menntaskólans í Kópavogi 18. apríl sl. ályktar fráfarandi og núverandi stjórn félagsins eftirfarandi:

Kennarar Menntaskólans í Kópavogi eru orðnir þreyttir á langvarandi niðurskurði síðustu 5 ára og á andvaraleysi stjórnvalda gagnvart menntun, sem bitnar bæði á nemendum og kennurum.
Lesa meira

15. maí 2013

Grunnskólanemendur læra um málmtækni í Borgarholtskóla

Þrjár stúlkur og sex piltar úr Varmárskóla hafa sótt valnámskeið í Borgarholtsskóla Í vetur. Þau hafa mætt einu sinni í viku þrjár kennslustundir í senn. Nemendurnir hafa smíðað ýmsa hluti eins og litla verkfærakistu úr áli, sett saman rafrás, logsoðið, smíðað og lóðað saman bát, smíðað kertastjaka með því að nota tölfustýrða fræsivél og skorið ýmsa hluti út með því að nota tölfustýrða plasmaskurðarvél. Þau hafa fengið kynningu á iðnnámi og eiga þannig auðveldara með að velja nám við hæfi eftir að grunnskóla lýkur.
Lesa meira

15. maí 2013

Málþing 30. maí: Skóli margbreytileikans - möguleikar og mótsagnir

Rannsóknarstofur um skóla án aðgreiningar og um þróun skólastarfs við Menntavísindasvið Háskóla Íslands standa fyrir málþinginu Skóli margbreytileikans - möguleikar og mótsagnir. Málþingið verður haldið í Skriðu, húsnæði sviðsins við Stakkahlíð, fimmtudaginn 30. maí kl. 13:10 til 16:40.
Lesa meira

14. maí 2013

Vikupósturinn Jákvæð sálfræði og VERA að kenna! eftir Ívar Rafn Jónsson kennara við Framhaldsskólann í Mosfellsbæ

Ívar Rafn Jónsson skrifar Vikupóst FF að þessu sinni. Ívar kennir við Framhaldsskólann í Mosfellsbæ sem tók til starfa árið 2009 og starfar eftir nýrri námsskrá. Stefna skólans gerir ráð fyrir því að kennsluhættir einkennist af því að nemendur verði virkir þátttakendur í eigin námi og öðlist þannig sjálfstæði og frumkvæði.
Lesa meira

14. maí 2013

Ársfundur LSR og LH

Ársfundur Lífeyrissjóðs starfsmanna ríkisins og Lífeyrissjóðs hjúkrunarfræðinga verður haldinn fimmtudaginn 23. maí í húsnæði sjóðanna, Engjateigi 11 í Reykjavík og hefst hann kl. 15:00. Launagreiðendur sem greiða iðgjald fyrir starfsmenn sína til LSR eða LH eiga rétt á að senda einn eða fleiri fulltrúa á ársfundinn. Jafnframt eiga allir sjóðfélagar rétt til setu á fundinum.
Lesa meira

14. maí 2013

Kennarasamband Íslands leggur sig fram um að draga upp jákvæða ímynd af kennarastafinu

Bragi Guðmundsson, prófessor á Akureyri, gagnrýnir kennara og Kennarasamband Íslands fyrir að draga upp neikvæða ímynd af kennarastarfinu. Hann tekur sem dæmi veggspjöld sem Kennarasambandið lét prenta og sendi í alla skóla landsins í vetur. Ákveðins misskilnings gætir í orðum Braga um tilgang veggspjaldanna. Veggspjöldin eru dæmi um virka þátttöku KÍ í alþjóðlegu samstarfi kennara og eru skilaboðin, sem þau flytja, varnaðarorð til stjórnvalda um allan heim um að láta ekki menntun gjalda kreppunnar. Þau eru ekki dæmi um ímyndarsköpun sem fer fram á Laufásveginum og alls ekki gagnrýni á hið góða starf sem fram fer í íslenskum skólum.
Lesa meira

14. maí 2013

Félag grunnskólakennara hvetur félagsmenn á unglingastigi til að svara TALIS-könnun

Gagnaöflun vegna rannsóknar TALIS á starfsaðstæðum íslenskra grunnskólakennara á unglingastigi stendur nú yfir. Leitað er svara við spurningum um starfsaðstæður kennara, starfsþróunarmöguleika og viðhorf. Námsmatsstofnun sér um framkvæmd rannsóknarinnar hér á landi. Þátttaka þarf að vera 75% til þess að íslensku gögnin verði tekin með í alþjóðlegu könnuninni þar sem ríflega 30 lönd taka þátt. Þátttakan er nú í um 55%. Það vantar því nokkuð uppá!
Lesa meira

14. maí 2013

Félagsmenn FF hvattir til að taka þátt í TALIS

Aðalheiður Steingrímsdóttir formaður Félags framhaldsskólakennara sendir félagsmönnum sínum bréf þar sem hún hvetur þá til að taka þátt í TALIS-könnun í framhaldsskólunum sem nú stendur yfir. Safnað er gögnum um starfsaðstæður, starfsþróunarmöguleika og viðhorf kennara. Þrjátíu lönd taka þátt og sér Námsmatsstofnun um framkvæmdina á Íslandi.
Lesa meira

13. maí 2013

Skólafærni athugun - SFA

Námskeið um matstækið Skólafærni athugun (SFA) verður haldið 10. júní nk., kl. 09:00 - 16:00 í Menningarstöðinni Gerðubergi.
Lesa meira

13. maí 2013

Sumarnámskeið SEF 2013 - umsóknarfrestir

Vakin er athygli á umsóknarfrestum vegna sumarnámskeiða styrktum af Samstarfsnefnd um endurmenntun framhaldsskólakennara (SEF). Umsóknarfrestir eru mismunandi eftir námskeiðum en næstu frestir eru 15. maí.
Lesa meira

13. maí 2013

Þurfa kennarar að koma sér upp netsiðareglum?

Skólamálanefnd FF skoðaði netsiðareglur sem erlend kennarasamtök settu sér. Niðurstaða þeirrar vinnu var að beina því til siðaráðs KÍ að sambandið setti sér hliðstæðar reglur fyrir félagsmenn sína. Anna María Gunnarsdóttir framhaldsskólakennari ritar grein í nýjasta tölublað Skólavörðunnar um tillögurnar.
Lesa meira

13. maí 2013

Námsvist við alþjóðlegan menntaskóla

Mennta- og menningarmálamálaráðuneyti auglýsir eftir umsóknum um skólavist við Alþjóðlegan menntaskóla Rauða krossins (Red Cross Nordic United World College) í Flekke, Noregi. Skólinn er rekinn sameiginlega af Norðurlöndunum í tengslum við Rauða krossinn. Nám við skólann tekur tvö ár og lýkur því með viðurkenndu alþjóðlegu stúdentsprófi, International Baccalaureat Diploma (IB). Kennsla fer fram á ensku.
Lesa meira

10. maí 2013

Námskeiðið Rétt málsmeðferð - öruggt skólastarf

Félagsfundur Skólastjórafélags Vestfjarða var haldinn í Kennarahúsinu 10. maí í tengslum við námskeiðið Rétt málsmeðferð – öruggt skólastarf sem ætlað er skólastjórum. Námskeiðið var haldið 29. apríl í Egilstaðaskóla fyrir skólastjóra á Austurlandi og 10. maí á Hótel Natura í Reykjavík fyrir skólastjóra á Vestfjörðum. Þeim sem ekki hafði reynst kleift að sækja námskeiðið í vetur var gefinn kostur á að gera það núna. Myndin var tekin á félagsfundi SV.
Lesa meira

10. maí 2013

Nám er vinnandi vegur - Styrkir til að efla starfsmenntun

Mennta- og menningarmálaráðuneyti auglýsir eftir umsóknum um styrki til að efla starfsmenntun samkvæmt ákvörðun ríkisstjórnarinnar um átakið Nám er vinnandi vegur. Umsóknarfrestur er til 1. júní 2013. Styrkjunum er ætlað að efla starfstengt nám á framhalds- og háskólastigi og í framhaldsfræðslu. Til úthlutunar eru allt að 200 milljónir kr.
Lesa meira

10. maí 2013

Bilun í vef Kennarasambandsins á miðvikudaginn

Vefir Kennarasambands Íslands og aðildarfélaga lá niðri allan miðvikudaginn síðastliðinn vegna bilunar. Strax var brugðist við en viðgerð tók allan daginn. Einhver brögð eru að því að efni hafi ekki skilað sér inn á vefinn aftur þegar vefurinn komst í lag. Beðist er velvirðingar á því. Ábendingar um efni sem vantar á vefinn eru vel þegnar og sendist til Guðlaugar Guðmundsdóttur, gudlaug hjá ki.is.
Lesa meira

6. maí 2013

Fræðslumyndbönd KÍ

Kennarasamband Íslands hefur látið gera átta fræðslumyndbönd fyrir félagsmenn sína um fagleg málefni, starfsumhverfið og líðan í starfi. Myndböndin voru birt á vef KÍ í fyrsta maí kaffi Kennarasambands Íslands á Grand hóteli. Efni myndbandanna er fjölbreytt og hvort tveggja í senn hagnýtt í starfi og gagnlegt hverjum og einum í persónulegu lífi.
Lesa meira

6. maí 2013

Kennarasamband Íslands á Facebook

Kennarasamband Íslands hefur komið sér upp Facebook-síðu. Það er von forystumanna KÍ og útgáfusviðs að síðan efli fag- og stéttarvitund kennara og auki enn frekar upplýsingaflæðið. Félagsmenn í öllum aðildarfélögum eru hvattir til að gerast vinir KÍ á Facebook og deila fréttum og upplýsingum þaðan og þangað.
Lesa meira

6. maí 2013

Minnstur kynbundinn launamunur meðal grunnskólakennara

Ný launakönnun Hafnarfjarðarbæjar leiðir í ljós að þegar litið er til starfsgreinar, aldurs, starfsaldurs og fjölda yfirvinnustunda mælast heildarlaun kvenna hjá Hafnarfjarðarbæ 6,1 % lægri en heildarlaun karla og er það svipaður munur og mældist árið 2007. Ef kennarar eru teknir út úr greiningunni eru heildarlaun kvenna 9 % lægri en heildarlaun karla en voru 8,6% lægri árið 2007. Minnstur kynbundinn launamunur á bæði heildarlaunum og dagvinnulaunum er á meðal grunnskólakennara.
Lesa meira

2. maí 2013

Kennarar fylktu liði á baráttudegi vinnandi stétta fyrsta maí

Kennarar úr öllum aðildarfélögum Kennarasambands Íslands fjölmenntu í kröfugöngur um land allt í gær, fyrsta maí þrátt fyrir að veðrið væri napurt um allt land. Í Reykjavík var safnast saman á Hlemmi og gengið niður Laugarveginn á útifund á Ingólfstorgi undir taktföstum undirleik lúðrasveita. Glæsileg fánaborg stéttarfélaga var mynduð á torginu þar sem göngumenn hlýddu á ræðuhöld og tónlistaratriði.
Lesa meira

30. apr. 2013

Tillögur starfshóps um samskipti skóla og trúfélaga

Mennta- og menningarmálaráðuneytið skipaði hinn 4. október 2012 starfshóp til þess að gera tillögur um með hvaða hætti skuli staðið að samskiptum skóla og trúfélaga á öllum skólastigum. Starfshópurinn var skipaður hagsmunaaðilum sem tilnefndir voru af Biskupsstofu, Heimili og skóla, Kennarasambandi Íslands, Sambandi íslenskra sveitarfélaga, Siðmennt auk fulltrúa ráðuneytisins. Hópurinn varð sammála um tillögur og á grunni þeirra hefur ráðherra gefið út meginviðmið.
Lesa meira

30. apr. 2013

Sundamenn skrifa vikupóstinn

Stjórn kennarafélags Menntaskólans við Sund, Sundamenn skrifa vikupóstinn að þessu sinni. Sundamenn segja að ekki þurfi að fjölyrða um ástandið í framhaldsskólum og að niðurskuður liðinna ára hafi stórskaðað skólastarfið og ekki hafi verið staðinn vörður um grunnstoðir menntakerfisins.
Lesa meira

29. apr. 2013

Ráðstefna sérkennara í Finnlandi 20. til 21. september

Norræn ráðstefna sérkennara verður haldin í Åbo í Finnlandi 20. - 21. september nk. Í boði er vönduð og fjölbreytt dagskrá. Félag íslenskra sérkennara er aðili að samtökum á Norðurlöndunum NFSP en samtökin halda ráðstefnu á þriggja ára fresti.
Lesa meira

29. apr. 2013

Innleiðing á breytingum í skólastarfi samkvæmt nýjum námskrám

Á heimasíðu mennta- og menningarmálaráðuneytisins segir frá áætlun um innleiðingu á breytingum í skólastarfi samkvæmt nýjum námskrám. Gerð er grein fyrir helstu verkefnum, fyrir leik-, grunn- og framhaldsskólastig til vorannar 2015 en þá er miðað við að námskrárnar taki að fullu gildi. Þessi áætlun tekur einungis til sérverkefna, sem skipulögð er á vegum mennta- og menningarmálaráðuneytisins og varða beint innleiðinguna. Hafa ber því í huga að til viðbótar eru ýmis önnur verkefni bæði á vegum ráðuneytisins og annarra sem vinna að og styðja við innleiðinguna, þar á meðal að vinna að nýrri vinnutímaskilgreiningu kennara.
Lesa meira

29. apr. 2013

Sumarnámskeið framhaldsskólakennara

Sumarnámskeið Samstarfsnefndar um endurmenntun framhaldsskólakennara í samstarfi við faggreinafélög hafa nú verið auglýst á heimasíðu Rannís. Framhaldsskólakennarar eru hvattir til að láta þessi námskeið ekki fram hjá sér fara.
Lesa meira

29. apr. 2013

Tímaritinu Talfræðingnum dreift í alla skóla með Skólavörðunni

Talfræðingurinn, ársrit félags talkennara og talmeinafræðinga er kominn út. Blaðinu verður dreift í alla skóla landsins með Skólavörðunni nú í vikunni. Talfræðingurinn er sneisafullur af fróðlegu efni. Að þessu sinni er m.a. fjallað um þann skaða sem hávaði í umhverfi barna getur valdið á heyrn þeirra, líðan og þroska.
Lesa meira

26. apr. 2013

Skólavarðan er komin út

Skólavarðan er komin út, stútfull af áhugaverðu efni fyrir kennara og aðra starfsmenn skóla. Sagt er frá fræðslufundum forystumanna KÍ sem haldnir voru á átta stöðum um land allt. Skólavarðan tók viðtal við Sigurbjörgu Magnúsdóttur leikskólakennara. Anna María Gunnarsdóttir skrifar um netsiðareglur, Ólafur Páll Jónsson heimspekingur fjallar um skólann sem þekkingarsamfélag, Jakobína Jónsdóttir skrifar um viðhorf framhaldsskólanema til femínisma, formenn aðildarfélaga KÍ gera grein fyrir stöðu mála í kjarasamningum og Ingibjörg Úlfarsdóttir ráðleggur fólki sem hyggst fara á eftirlaun svo dæmi séu tekin.
Lesa meira

26. apr. 2013

Harmar inngrip danskra stjórnvalda í kjaradeilu

Félag grunnskólakennara á Íslandi harmar þær aðgerðir sem danska ríkisstjórnin greip til þegar hún stöðvaði verkbann þarlendra grunnskólakennara með lagasetningu. Að sögn Anders Bondo Christensen formanns Dansk lærerforening er grunnskólinn í einkennilegri stöðu eftir lagasetninguna. Að hans mati hefur ríkisstjórnin tekið sér stöðu við hlið sveitarfélaganna en engar raunverulegar viðræður hafi farið fram til lausnar deilunni. Forsendur fyrir komandi umbótastarfi í skólum er nú á allt öðrum stað, að mati Christensens en hann leggur áherslu á að kennarar muni áfram byggja alla sína vinnu á rannsóknum og þekkingu.
Lesa meira

26. apr. 2013

Kennarar undirmálsstétt í íslensku samfélagi?

Gylfi Þorkelsson kennari við Fjölbrautaskólann á Suðurlandi ritar grein á Smuguna um menntamál. Gylfi dregur upp ófagra mynd af ástandi mála og þeim starfsaðstæðum og launakjörum sem kennurum í grunn- og framhaldsskólum er boðið upp á. Hann gagnrýnir harðlega þann mikla niðurskurð rekstrarfjár sem skólar hafa mátt þola undan farin ár, bæði fyrir og eftir hrun. Hann hvetur ráðamenn til að snúa þessari óheillaþróun og það strax.
Lesa meira

24. apr. 2013

Menntamálin ekki nefnd á nafn

Nú þegar einungis er einn dagur til Alþingiskosninga ber lítið á umræðum um skóla- og menntamál í fjölmiðum. Mörgframboðanna setja fram metnaðarfulla stefnu í menntamálum en gera lítið til að halda henni á lofti. - Velkist nokkur í vafa um menntamál varði allt fólk í landinu og beri að setja á oddinn?
Lesa meira

24. apr. 2013

Er fjölskyldan á leið til Danmerkur? - Skipti á húsi og bíl 5. - 25. júlí

Dönsk hjón sem búa í Ribe, fallegum litlum bæ á suður Jótlandi óskar eftir að skipta á húsi og bíl í sumar. Hjónin, Anne Marie og Peter Paulsen, bjuggu á Íslandi fyrir 20 árum og langar nú að heimsækja landið á ný. Hún starfaði sem kennari við Hvassaleitisskóla og hann hjá Gigtarfélagi Íslands. Í dag er Anne Marie kennari í Ribe og Peter starfar sem sjúkraþjálfari. Peter hefur einnig ferðast með Danska landsliðinu í handbolta sem sjúkraþjálfari.
Lesa meira

24. apr. 2013

Að virkja röddina í spuna og leiklist

Vinnusmiðjan: Að virkja röddina í spuna og leiklist verður haldin mánudaginn 29. apríl nk. kl. 20:00-22:00 Í Háteigsskóla við Háteigsveg. Þórey Sigþórsdóttir, leikari og kennari, er leiðbeinandi. Verð: Kr. 3.000. Í vinnusmiðjunni fer Þórey í grunnatriði raddbeitingar og leiðir raddæfingar sem geta nýst í spuna og leik.
Lesa meira

24. apr. 2013

Danmörk: Lockout Camp - Skiltaskógur og tjaldbúðir

Verkbann kennara í Danmörku hefur nú staðið í hart nær heilan mánuð. Á heimasíðu Folkeskolen segir frá viðbrögðum kennara sjálfra sem standa saman og stappa stálinu hver í aðra með ýmsum hætti. Á síðunni eru dæmi um að kennarar grípa til stílvopnsins og lýsa líðan sinni og aðgerðum sem þeir grípa til við þessar erfiðu aðstæður.
Lesa meira

23. apr. 2013

Að fjármagna breytingar innan frá - kennurum myndi fækka

„Við viljum búa til aðstæður þar sem bæði kennarar og sveitarfélögin geta hagnast. Kennsluskylda hvers kennara myndi aukast, en á móti fengi hann meiri laun,“ er haft eftir Halldóri Halldórssyni formanni Sambands íslenskra sveitarfélaga í fréttaskýringu í Fréttablaðinu í dag. Hann bætir við að bati sveitarfélaganna fælist í því að kennurum mundi fækka nokkuð og skólarnir þyrftu að greiða færri yfirvinnutíma.
Lesa meira

23. apr. 2013

Nýr Vikupóstur á vef FF fjallar um verkbann kennara í Danmörku

Erla Elín Hansdóttir, dönskukennari í Kvennaskólanum, ritar nýjan Vikupóst á vef Félags framhaldsskólakennara. Þar gerir hún grein fyrir kjaradeilu danskra grunnskólakennara við sveitarfélögin þar í landi.
Lesa meira

22. apr. 2013

Ársfundur Kennarasambands Íslands 2013

Ársfundur KÍ 2013 var haldinn á Grand Hótel föstudaginn 19. apríl sl. Ársfundir eru haldnir þau ár sem þing er ekki haldið. Á ársfundinum voru lagðir fram reikningar Kennarasambandsins árið 2012, skýrsla yfir starfsemi Kennarasambandsins og þingkjörinna nefnda og gengið var frá starfsáætlun fyrir komandi ár. Katrín Jakobsdóttir mennta- og menningarmálaráðherra ávarpaði fundinn og ræddi m.a. um þau brýnu framfaramál sem bíða starfsmanna ráðuneytisins á næsta kjörtímabili.
Lesa meira

19. apr. 2013

Nám og kennsla í náttúrufræðigreinum á 21. öldinni

Rannsóknarstofa um náttúrufræðimenntun efnir til málþings um nám og kennslu í náttúrufræðigreinum á 21. öldinni, miðvikudaginn 5. júní 2013 kl. 10:00 - 16:30. Málþingið verður haldið í aðalbyggingu Menntavísindasviðs við Stakkahlíð og er ætlað kennurum á öllum skólastigum. Boðið verður upp á fjölbreytta dagskrá, fyrirlestra, kynningar og smiðjur. Aðalfyrirlesari málþingsins verður Michael Reiss prófessor við University of London.
Lesa meira

3. apr. 2013

Morgunverðafundir um menntun innflytjenda

Fyrirhuguð er morgunverðarfundaröð, í framhaldi af HringÞingi um menntun innflytjenda, í samstarfi mennta- og menningarmálaráðuneytis, Sambands íslenskra sveitarfélaga, Fjölmenningarseturs og Reykjavíkurborgar. Fyrsti morgunverðarfundurinn verður haldinn föstudaginn 5. apríl kl. 8-10 á Grand hótel Reykjavík.
Lesa meira

27. mar. 2013

Jöklaferðir upp á topp Langjökuls

Í allt sumar geta félagsmenn KÍ nýtt sér frábært tilboð til að fara í jöklaferðir upp á topp Langjökuls. Farið er í átta hjóla jöklatrukk sem er sérhannaður til jöklaferða og tekur 40 farþega. Tilboðið hljóðar upp á tveir fyrir einn frá 1. júní til 31. ágúst, hálft gjald fyrir 12 til 15 ára og ókeypis fyrir börn 0-11 ára.
Lesa meira

11. apr. 2012

Vissir þú að...

...70% allra sjúkdóma í heiminum í dag stafa af hreyfingarleysi, reykingum og mataræði?
Lesa meira

15. okt. 2010

Ályktun FF frá fundi 4. október sl.

Félag framhaldsskólakennara fundaði með formönnum félagsdeilda og trúnaðarmönnum í framhaldsskólum 4. október sl. á Grand hóteli í Reykjavík. Á fundinum var ályktað um aðferðir við fyrirhugaðan niðurskurð á fjárveitingum til framhaldsskóla 2011.
Lesa meira