Kennarasamband Íslands

31. mar. 2011

Framkvæmdastjóri Education International sækir KÍ þing heim

Fred van Leeuwen, framkvæmdastjóri Education International, Alþjóðasambands kennara, verður gestur á 5. þingi KÍ. Hann ávarpar þingið fimmtudaginn 7. apríl. Þetta er í fyrsta sinn sem framkvæmdastjóri EI sækir íslenska kennara heim. Education International eru langfjölmennustu samtök kennara í heiminum. Innan vébanda EI eru um 30 milljónir félagsmanna í tæplega 350 samtökum kennara í 166 löndum.
Lesa meira

31. mar. 2011

Umsagnir um tillögur um sameiningu og samrekstur leikskóla, grunnskóla og frístundaheimila í Reykjavík

Fjölmargir aðilar sendu umsagnir um tillögur starfshóps Reykjavíkurborgar um greiningu tækifæra til samrekstrar og/eða sameiningar leikskóla, grunnskóla og frístundaheimila. Í hópi umsagnaraðila eru 30 foreldraráð leikskóla, 33 skólaráð grunnskóla og 10 sérfræðingar og ýmsar stofnanir, þar á meðal Kennarasamband Íslands en félögin sem málið snertu kusu að senda eina sameiginlega umsögn.
Lesa meira

30. mar. 2011

Áunnin lífeyrisréttindi opinberra starfsmanna

Steingrímur J. Sigfússon fjármálaráðherra staðfestir í bréfi til Kennarasambands Íslands að af hans hálfu hafi aldrei verið gert ráð fyrir því að áunnin lífeyrisréttindi opinberra starfsmanna verði sérstaklega skert, eða þeim breytt á einhvern hátt án þess að um slíkar breytingar sé viðhaft fullt samráð við heildarsamtökin.
Lesa meira

30. mar. 2011

Norma 11 í Reykjavík 11. til 14. maí 2011

Norma 11 er ráðstefna um rannsóknir á stærðfræðimenntun og verður hún haldin í húsnæði Menntavísindasviðs við Stakkahlíð, 11. til 14. maí 2011. Ráðstefnan er haldin af samtökum norræna og baltneskra félaga um rannsóknir á þessu sviði. Á ráðstefnunni verða flutt um 100 erindi af þátttakendum frá Norðurlöndunum, baltnesku löndunum, Bretlandi, Spáni, Portúgal og Þýskalandi. Tækifæri verða gefin til að ræða rannsóknir og byggja upp tengslanet rannsakenda á fræðasviðinu. Ráðstefnan fer fram á ensku.
Lesa meira

29. mar. 2011

Sumarnámskeið fyrir framhaldsskólakennara

Nú liggja fyrir upplýsingar um sumarnámskeið fyrir framhaldsskólakennara. Að þessu sinni býður Samstarfsnefnd um endurmenntun framhaldsskólakennara í samstarfi við hin ýmsu faggreinafélög upp á 22 námskeið.
Lesa meira

29. mar. 2011

Í skólanum, í skólanum er framtíð þjóðar falin

„Í skólanum, í skólanum er framtíð þjóðar falin“ er yfirskrift 5. þings Kennarasambands Íslands sem haldið verður á Grand hóteli Reykjavík dagana 6. – 8. apríl nk.
Lesa meira

29. mar. 2011

Skattframtal 2011

Ábendingar um greiðslur úr endurmenntunarsjóðum KÍ (VÍS FF og FS, VÍS FL og FSL, Vonarsjóður FG og SÍ) og Sjúkrasjóðs KÍ vegna skattframtals 2011.
Lesa meira

25. mar. 2011

Umsögn KÍ um skýrslu starfshóps um greiningu tækifæra til samreksturs og /eða sameiningar leikskóla, grunnskóla og frístundaheimila í Reykjavík

Ragnar Þorsteinsson fræðslustjóri og Ragnhildur Erla Bjarnadóttir sviðsstjóri Leikskólasviðs óskuðu eftir umsögn aðildarfélaga Kennarasambands Íslands á leik- og grunnskólastigi um tillögur um sameiningu leikskóla, grunnskóla og frístundaheimila. Félögin sem í hlut eiga ákváðu að gera eina sameiginlega umsögn. Þeir sem skrifa undir umsögnina eru formenn Félags leikskólakennara og 1. deildar Félags leikskólakennara, Félags grunnskólakennara og Kennarafélags Reykjavíkur, Félags stjórnenda leikskóla og 1. deildar Félags stjórnenda leikskóla, Skólastjórafélags Íslands og Félags skólastjórnenda í Reykjavík.
Lesa meira

25. mar. 2011

Ályktun frá Félagi þýzkukennara

Á aðalfundi Félags þýzkukennara sem haldinn var 18. mars 2011 spunnust miklar umræður um stöðu og framtíðarhorfur þýskunáms og -kennslu í framhaldsskólum landsins í ljósi nýrra laga og námskrárdraga. Félag þýzkukennara kallar eftir skýrari tilmælum ráðuneytisins til skólastjórnenda um hvaða stigi nemendur eigi að ná í þriðja máli skv. viðmiðunarramma Evrópuráðsins. Til að námið komi nemendum að raunverulega gagni, þurfa þeir að ná A2/B1 skv. viðmiðunarrammanum til að geta t.d. stundað háskólanám í þýskumælandi löndum. Félagið væntir þess að ráðherra og ráðuneyti leiti eftir samráði við fagfélög tungumálakennara og aðra þá sem málið varðar. Meðfylgjandi er ályktun sem samþykkt var á aðalfundinum.
Lesa meira

25. mar. 2011

Sprotasjóður leik-, grunn- og framhaldsskóla

Á vef mennta- og menningarálaráðuneytisins er auglýst eftir umsóknum um styrki úr Sprotasjóði leik-, grunn- og framhaldsskóla. Hlutverk sjóðsins er að styðja við þróun og nýjungar í skólastarfi. Umsóknarfrestur er til 28. apríl 2011 og frekari upplýsingar eru á vef ráðuneytisins.
Lesa meira

24. mar. 2011

„Vandamál og áskoranir í skólamálum í dag“

Katrín Jakobsdóttir mennta- og menningarmálaráðherra flytur erindi í upphafi þingfundar fimmtudaginn 7. apríl. Að loknu erindi hennar flytur gestafyrirlesari þingsins, Peter Mortimore, fyrrverandi prófessor, fyrirlestur sem hann nefnir „Vandamál og áskoranir í skólamálum í dag“ (The dilemmas and challenges of education today). Mortimore er vinsæll fyrirlesari um skólamál enda kunnur fyrir störf sín og rannsóknir á því sviði m.a. rannsóknir á árangri í skólastarfi, skólastjórnun og vandamálum í skólastarfi. Í seinni tíð hefur hann vakið athygli fyrir greinarskrif sín um skólamál í breska stórblaðinu the Guardian.
Lesa meira

23. mar. 2011

Niðurskurður sem bitnar á börnum

Umboðsmaður barna sendi á mánudaginn, 21. mars 2011, bréf til allra sveitarfélaga stílað á sveitarstjóra og sveitarstjórnarmenn. Í bréfinu lýsir umboðsmaður barna yfir áhyggjum sínum af þeim niðurskurði sem hefur átt sér stað og er fyrirhugaður hjá sveitarfélögum landsins, ekki síst í leik- og grunnskólum og tómstundastarfi.
Lesa meira

23. mar. 2011

„Þingmolinn“ - Fróðleikur um 5. þing KÍ

5. þing Kennarasambands Íslands verður haldið dagana 6. - 8. apríl 2011 á Grand hóteli Reykjavík. Fram að þingi verður birtur hér á heimasíðu KÍ ýmis fróðleikur sem tengist þinginu undir fyrirsögninni „Þingmolinn“.
Lesa meira

22. mar. 2011

Kjaradeilu Félags leikskólakennara vísað til sáttasemjara

Samninganefnd Félags leikskólakennara ákvað í dag að vísa kjaradeilu leikskólakennara við Samband íslenskra sveitarfélaga til ríkissáttasemjara. Við höfum fundað ítrekað frá því í byrjun desember og lítið sem ekkert þokast í samkomulagsátt. Það er því mat samninganefndar félagsins að tímabært sé að vísa deilunni til ríkissáttasemjara. Samningur FL við sveitarfélögin rann út 31. ágúst 2009. Samninganefnd ítrekar að ábyrgð sveitafélagana er mikil að halda svo stórum hópi starfsmanna sinna samningslausum þetta lengi. Þolinmæði leikskólakennara er á þrotum.
Lesa meira

21. mar. 2011

Gönguferðir sumarið 2011

Eins og undanfarin ár býður Orlofssjóður Kennarasambandsins upp á niðurgreiðslu í alls konar útivistarferðir. Fyrir neðan er hægt að skoða auglýsingar í viðkomandi ferðir ásamt tenglum á heimasíður þeirra sem sjá um ferðirnar. Panta þarf á bókunarvef Orlofssjóðs.
Lesa meira

21. mar. 2011

Formanns- og stjórnarkosningar FL hafnar

Kjörstjórn FL hefur sent trúnaðarmönnun bréf með kjörgögnum og leiðbeiningum vegna kosninganna félagsmanna. Þeir sem eru í fæðingarorlofi, á atvinnuleysisbótum eða í launalausu leyfi fá kjörgögnin send heim. Kosning hófst kl. 9:00 mánudaginn 21. mars og lýkur kl. 12:00 á hádegi mánudaginn 4. apríl nk. Atkvæðagreiðslan er rafræn.
Lesa meira

17. mar. 2011

Ferðablað 2011

Ferðablað Orlofssjóðs KÍ er komið út og verður það sent í skóla í dag. Nú þegar er komin rafræn útgáfa á heimasíðu Orlofssjóðs, sjá hér.
Lesa meira

16. mar. 2011

Fréttatilkynning frá stjórn Félags framhaldsskólakennara

Aðalfundur Félags framhaldsskólakennara verður haldinn á Grand Hóteli, Reykjavík, dagana 17. og 18. mars nk. Á fundinum verða kjaramál í framhaldsskólum og starfsaðstæður framhaldsskólakennara í brennidepli en yfirskrift fundarins er „Staða framhaldsskólans“. Kjarasamningur félagsmanna KÍ í framhaldsskólum rann út í lok nóvember á síðasta ári og er mikill seinagangur í viðræðum um endurnýjun hans. Framhaldsskólinn stóð verulega höllum fæti í launamálum í nokkur ár áður en kreppan skall á og alvarlegur niðurskurður fjármuna til framhaldsskólastarfs hefur aukið enn á vandann. Hálfur annar milljarður hefur þegar verið tekinn út úr rekstri framhaldsskóla með beinum niðurskurði fjárframlaga og önnur eins upphæð sem ætluð var til framkvæmdar nýrra framhaldsskólalaga aldrei komist til skólanna heldur er horfin í skuldahít Ríkissjóðs.
Lesa meira

16. mar. 2011

Kynning á framhaldsnámi við Menntavísindasvið

Fimmtudaginn 24. mars kl. 16:00 til 18:00 verður kynning á framhaldsnámi við Menntavísindasvið í Fjöru, húsnæði Menntavísindasviðs Háskóla Íslands við Stakkahlíð. Kennarar og nemendur taka á móti gestum og kynna fjölbreytt framhaldsnám í þremur deildum Menntavísindasviðs.
Lesa meira

15. mar. 2011

Ráðstefna fimmtudaginn 31. mars nk.

Fimmtudaginn 31. mars nk. verður haldinn ráðstefna í Skriðu í húsnæði Menntavísindasviðs Háskóla Íslands við Stakkahlíð.
Lesa meira

15. mar. 2011

Opinn umræðufundur um PISA 2009 þriðjudaginn 22. mars nk.

Þriðjudaginn 22. mars nk. verður haldinn opinn umræðufundur um Pisa 2009. Fundurinn er haldinn í sal Námsmatsstofnunar, Borgartúni 7a og hefst kl. 14:00 en lýkur kl. 15:30.
Lesa meira

11. mar. 2011

Þemadagar í mars

Vinnuumhverfisnefnd (VUN) hvetur alla skóla til að taka frá tíma í marsmánuði þar sem hugað verði sérstaklega að vinnuumhverfismálum og þema vorannar sem er líkamsbeiting og aðbúnaður á vinnustað. Tilgangur þemadags/þemaviku er að stuðla að umræðu í skólanum um málefnið og um ábyrgð einstaklinga og vinnustaðarins í heild.
Lesa meira

9. mar. 2011

Skólastjórar sem leggja kennara í einelti

VUN barst nýlega grein frá Hörpu Hreinsdóttur, kennara, um skólastjóra sem leggja kennara í einelti. Greinin er samantekt á rannsóknum um efnið.
Lesa meira

8. mar. 2011

Alþjóðlegur baráttudagur kvenna fyrir friði og jafnrétti

Á alþjóðlegum baráttudegi kvenna fyrir friði og jafnrétti, 8. mars, er áhugaverð dagskrá í boði í Tjarnarsal Ráðhúss Reykjavíkur. Dagskráin hefst kl. 17:00 með ávarpi frú Vigdísar Finnbogadóttur.
Lesa meira

7. mar. 2011

Ráðstefna og stofnun rannsóknarstofu í tónlistarfræðum

Föstudaginn 25. febrúar síðast liðinn var haldin ráðstefna um tónlistarrannsóknir á Íslandi. Á ráðstefnunni var stofnuð rannsóknarstofa í tónlistarfræðum við Menntavísindasvið Háskóla Íslands auk þess sem flutt voru tíu ólík erindi á sviði tónlistarfræða. Efni ráðstefnunnar verður birt á vefsíðu rannsóknarstofunnar www.vefir.hi.is/rannton á næstu dögum og hafa nú þegar einhver erindi skilað sér inn á vefinn. Formaður og varaformaður Félags tónlistarskólakennara kynntu umgjörð á könnun félagsins „Greining á kerfi tónlistarskóla á Íslandi“. Í umræðum undir lok ráðstefnunnar spunnust miklar og áhugaverðar umræður um tónlistarmenntun.
Lesa meira

4. mar. 2011

Opinn málfundur 7. mars nk.

Mánudaginn 7. mars nk. kl. 12:00 til 13:15 stendur Stofnun stjórnsýslufræða og stjórnmála og Fræðasetur um þriðja geirann boða fyrir opnum málfundi, í Háskóla Íslands, Lögbergi stofu 101, undir heitinu Eru þjónustusamningar ekki að virka?
Lesa meira

4. mar. 2011

Alþjóðalegur baráttudagur kvenna - Er þetta allt að koma?

Þriðjudaginn 8. mars nk. verður hádegisfundur á Hótel KEA kl. 12:00 til 13:30, undir heitinu Alþjóðlegur baráttudagur kvenna - Er þetta allt að koma?
Lesa meira

3. mar. 2011

Námskeið hjá Greiningar- og ráðgjafarstöð ríkisins vorið 2011

Í vor býður Greiningar- og ráðgjafarstöð ríkisins upp á margs konar fræðslunámskeið. Þau eru ætluð þeim sem vinna með börnum með þroskaraskanir og eru jafnframt opin aðstandendum. Námskeiðin eru bæði fræðileg og hagnýt.
Lesa meira

2. mar. 2011

Staða konunnar er laus til umsóknar - Jafnrétti úr viðjum vanans!

Þriðjudaginn 8. mars nk. verður haldinn fundur á Grand Hótel Reykjavík undir heitinu Staða konunnar er laus til umsóknar - Jafnrétti úr viðjum vanans!
Lesa meira

2. mar. 2011

Safnfræðsla - að læra og kenna á safni/setri

Einstakt helgarnámskeið í töfrandi umhverfi á vegum námsbrautar í safnafræðum, Rannsóknaseturs í safnafræðum við Háskóla Íslands og Sumarháskóla Hrafnseyrar. Námskeiðið verður haldið á Hrafnseyri við Arnarfjörð, dagana 26. til 28. ágúst 2011 og kostar 30.000 kr.
Lesa meira

1. mar. 2011

Framtíðin er núna ... tækni fyrir alla

Árleg ráðstefna 3f, Félags um upplýsingatækni og menntun, verður haldin í samstarfi við Keili – Miðstöð vísinda, fræða og atvinnulífs föstudaginn 11. mars nk. kl. 13:00–17:00 að Ásbrú á Miðnesheiði. Að þessu sinni verður megin viðfangsefnið upplýsingatækni nútímans. Fjallað verður um þær miklu breytingar sem eru í upplýsingatækni í námi og kennslu. Lögð áhersla á hagnýt atriði er nýtast kennurum á öllum skólastigum. Kennurum gefst tækifæri til að prófa hluti, ræða saman og skiptast á hugmyndum. Ráðstefnan er haldin í nýuppgerðu húsnæði Keilis sem er glæsilegt í alla staði. Gott rými er ætlað fyrirtækjum í upplýsingatækni til að kynna það helsta sem þau hafa fram að færa í tæknibúnaði.
Lesa meira