Kennarasamband Íslands

30. des. 2009

Apríl úthlutun

Fyrsta janúar opnar fyrir úthlutun í apríl og þar á meðal um páskana.
Lesa meira

29. des. 2009

Listmenntun á Íslandi

Menntamálaráðuneytið birti nýverið skýrslu um niðurstöður rannsóknar dr. Anne Bamford á listmenntun á Íslandi. Skýrslan ber yfirskriftina: Arts and Cultural Education in Iceland. Anne Bamford var aðalfyrirlesari á árlegu Rannsóknamálþingi menntavísindasviðs Háskóla Íslands árið 2008 og sótti heim um fjörutíu skóla ásamt Jóni Hrólfi Sigurjónssyni verkefnisstjóra.
Lesa meira

29. des. 2009

Steina- og skeljasafn Kennarasambandsins óskar eftir tilsjónarmanni

Steina- og skeljasafn Ara Stefánssonar sem er í eigu KÍ er staðsett í anddyri Kennarahússins á Laufásvegi eins og mörgum – ef ekki flestum – félagsmönnum er kunnugt. Safnið er í ólestri og þarfnast sárlega tilsjónarmanns sem þekkir til steina og skelja og er reiðubúinn að leggja fram krafta sína til að koma skikki á það. Er ekki einhver áhugasamur um verkið? Ef svo er, þá hafið sambandi við Erlu í móttöku Kennarahússins í síma 595 1111. Þetta er merkilegt safn og mun veita fólki ánægju ef það kemst undir læknishendur.
Lesa meira

29. des. 2009

Áramótalokun

Kennarahúsið verður lokað frá og með 31. desember. Við opnum aftur mánudaginn 4. janúar.
Lesa meira

18. des. 2009

Jólalokun

Kennarahúsið verður lokað frá og með 23. desember. Opnum aftur þriðjudaginn 29. desember.
Lesa meira

17. des. 2009

Breytingar á úthlutun í A deild hjá Vísindasjóði FL

Frá og með 1. janúar 2010 taka í gildi breytingar á úthlutun í A-deild Vísindasjóðs FL vegna kynnisferða hópa (leikskóla eða stofnunar). Hópstyrkur hækkar úr 70 þúsund krónum í 95 þúsund krónur.
Lesa meira

17. des. 2009

Fyrsti doktorinn úr hópi leikskólakennara sem útskrifast frá hérlendum háskóla

Þann 15. desember sl. fór fram doktorsvörn við uppeldis- og menntunarfræðideild Menntavísindasviðs Háskóla Íslands. Anna Magnea Hreinsdóttir, fyrsti leikskólakennarinn sem útskrifast sem doktor frá Menntavísindasviði, varði doktorsritgerð sína „Af því að við erum börn “: Lýðræðislegt umræðumat á menntun barna og þjónustu fjögurra íslenskra leikskóla / “Because we are children”: A deliberative democratic evaluation of education and services in four preschools in Iceland.
Lesa meira

16. des. 2009

KÍ styður Hjálparstarf kirkjunnar

Kennarasamband Íslands hefur undanfarin ár styrkt góðgerðarfélög og -samtök í stað þess að senda jólakort til samstarfsaðila. Stjórn Kennarasambandsins ákvað á fundi sínum þann 11. desember sl. að styðja Hjálparstarf kirkjunnar með þrjú hundruð þúsund króna framlagi fyrir þessi jól. Féð rennur til aðstoðar innanlands.
Lesa meira

14. des. 2009

Skorað á menntamálaráðherra

Stjórn Kennarasambands Íslands skorar á menntamálaráðherra að forgangsraða í þágu menntunar og standa vörð um þá lágmarksþjónustu sem börnum og unglingum er tryggð með núverandi lögum. Þá varar hún við hugmyndum Sambands íslenskra sveitarfélaga um áframhaldandi stórfellan niðurskurð í skólakerfinu. Þetta kemur meðal annars fram í ályktun sem stjórnin sendi frá sér 11. desember sl.
Lesa meira

10. des. 2009

Forgangsröðun í þágu barna og menntunar

Á fundi stjórnar Félags leikskólakennara þann 9. desember 2009 voru til umræðu efnahagsmál þjóðarinnar og áhrif niðurskurðar í leikskólum á gæði leikskólastarfs og menntun leikskólabarna. Fundurinn sendi frá sér ályktun þar sem ítrekað er að ekki sé hægt að ganga lengra í niðurskurði og það sé mikill tvískinnungur að halda því fram að hægt sé að halda uppi fullri þjónustu og gæðum með áframhaldandi niðurskurði. Í ályktuninni er bent á hversu góðærið var magurt fyrir leikskóla og ávinningur þess að hafa nú vel mannaða skóla hverfi vegna niðurskurðar. Foreldrar eru áhyggjufullir eins og kennarar enda sýnt og sannað af reynslu annarra þjóða að í þrengingum er fátt, ef nokkuð, mikilvægara en öruggt og öflugt skólakerfi.
Lesa meira

10. des. 2009

Kompás virkjar börn og ungmenni í mannréttindabaráttu

KOMPÁS – handbók í mannréttindafræðslu var kynnt á fundi í Þjóðmenningarhúsinu í Reykjavík í gær, 9. desember. Mennta- og menningarmálaráðuneyti og Námsgagnastofnun hafa látið þýða og gefa út þessa bók sem kom fyrst út hjá Evrópuráðinu árið 2002 og er nú fáanleg á 28 tungumálum. KOMPAS er handbók í mannréttindafræðslu sem er ætluð þeim sem starfa í skólum eða með börnum og unglingum á vettvangi félags-, æskulýðs- og tómstundastarfs. Bókin nýtist fagfólki, forystufólki í félagsstarfi og sjálfboðaliðum.
Lesa meira

9. des. 2009

Við minnum á umræðufund í dag um TALIS: Hvaða þættir hafa áhrif á starfsþróun kennara og löngun þeirra til meiri starfsþróunar?

Umræðufundur Námsmatsstofnunar um TALIS rannsóknina verður haldinn í dag klukkan 13:30 til 15:00 í fundarsal Námsmatsstofnunar, Borgartúni 7A.
Lesa meira

7. des. 2009

Streita og líðan á vinnustað

Vissir þú að því hefur verið haldið fram að allt að þriðjungur kennara þjáist af mikilli streitu og/eða kulnun? Streita og vanlíðan starfsfólks hefur áhrif á vinnustaðinn í heild og hefur áhrif á einstaka starfsmenn, líðan þeirra og vinnuframlag. Í vinnuumhverfisbólu desembermánaðar er fjallað um streitu og líðan á vinnustað, hvernig meta megi stöðuna og taka á málum. Þar með lýkur umfjöllun um heilsueflingu á vinnustöðum sem var þema Vinnuumhverfisnefndar KÍ á haustönn 2009 en þema næstu annar verður „Vinnuumhverfið - hljóð, rödd, loft og lýsing“.
Lesa meira

4. des. 2009

Fræðsla um ADHD fyrir grunnskóla

Kennarar athugið. Gylfi Jón Gylfason sálfræðingur fer með tveggja klst. fræðslupakka um ADHD inn í grunnskóla og á frístundaheimili.
Lesa meira

4. des. 2009

Starfsendurhæfing á vinnumarkaði

Öll helstu samtök launamanna og atvinnurekenda hér á landi ákváðu að semja um stofnun og starfsemi Starfsendurhæfingarsjóðs í kjarasamningum á árinu 2008. Markmiðið var (og er) að stuðla að breyttum vinnubrögðum í þessum málaflokki og tryggja aukna þjónustu við einstaklinga sem búa við heilsubrest af einhverjum toga. Samtök launamanna hafa í gegnum tíðina gegnt mikilvægu hlutverki við að byggja upp það velferðarkerfi sem við búum við í dag og stór hluti þess hérlendis er til staðar vegna samstarfs verkalýðshreyfingar og atvinnurekenda. Hlutverk Starfsendurhæfingarsjóðs er m.a. að draga markvisst úr líkum á því að launafólk hverfi af vinnumarkaði vegna varanlegrar örorku, með aukinni virkni, eflingu starfsendurhæfingar og öðrum úrræðum. Sjóðurinn hefur einnig það hlutverk að styðja við rannsóknir og þróun á sviði starfsendurhæfingar og efla þekkingu og reynslu á þessu sviði.
Lesa meira

4. des. 2009

Minni niðurskurður til menntamála í Reykjavík en óttast var

Frumvarp að fjárhagsáætlun Reykjavíkurborgar fyrir árið 2010 var lagt fram við fyrstu umræðu á fundi borgarstjórnar Reykjavíkur í gær. Í frétt á heimasíðu borgarinnar kemur fram að gert er ráð fyrir að Menntasvið, Leikskólasvið og Íþrótta- og tómstundasvið hagræði einungis um 4% en skattar og gjöld á grunnþjónustu verði ekki hækkað, náms- og fæðisgjöld í leikskólum verða óbreytt,100% systkinaafsláttur verður áfram í gildi, verð á skólamáltíðum í grunnskólum hækkar ekki og gjaldskrár frístundaheimila verða óbreyttar. Hagræða þarf í rekstri Reykjavíkur um 3,3 milljarða króna á næsta ári og með aðhaldi í ráðningum og launaútgjöldum er ætlunin að ná fram 19% niðurskurðarins, eða 651 milljón.
Lesa meira

3. des. 2009

Fundaröð Námsmatsstofnunar um niðurstöður TALIS rannsóknarinnar

KÍ vekur athygli félagsmanna sinna á umræðufundum um TALIS rannsóknina sem Námsmatsstofnun heldur í fundarsal sínum í Borgartúni 7 A í Reykjavík. Fyrsti fundurinn var haldinn miðvikudaginn 2. desember, næsti fundur verður miðvikudaginn 9. desember kl. 13:30-15:00 og fjallar sá um starfsþróun kennara.
Lesa meira

2. des. 2009

FG ályktar gegn niðurskurði

Stjórn Félags grunnskólakennara ályktaði rétt í þessu gegn frekari niðurskurði og áformum um slíkt í grunnskólum landsins. Bent er á að niðurskurður sé nú þegar orðinn verulegur og þrátt fyrir að mörg sveitarfélög nýti ekki útsvarsheimildir sínar að fullu krefjist þau engu að síður enn frekari niðurskurðar á kennslu og menntun grunnskólabarna.
Lesa meira

1. des. 2009

Barnvænt samfélag - málþing haldið 10. nóvember sl.

Félag leikskólakennara, Heimili og skóli og Samtök atvinnulífsins héldu málþing um barnvænt samfélag á Grand Hótel þriðjudaginn 10. nóvember 2009 kl. 8:00 – 11:00. Frummælendur voru: Sæunn Kjartansdóttir höfundur bókarinnar „Árin sem engin man“, Ragnhildur Sverrisdóttir foreldri, Arnar Yngvason leikskólakennari, Þorbjörg Helga Vigfúsdóttir formaður leikskólaráðs Reykjavíkur og Svali Björgvinsson starfsmannastjóri Icelandair.
Lesa meira

26. nóv. 2009

Ferðablöð Orlofssjóðs

Nokkur eldri ferðablöð Orlofssjóðs eru nú aðgengileg á síðu ki.is og þar undir er einnig ferðablaðið 2009.
Lesa meira

26. nóv. 2009

Gjöld félagsmanna til KÍ lækka um þriðjung

Stjórn KÍ ákvað á fundi sínum þann 20. nóvember sl. lækkun félagsgjalds til Kennarasambands Íslands. Þannig mun félagsgjald til KÍ lækka frá og með 1. janúar 2010 úr 1,55% af grunnlaunum niður í 1%.
Lesa meira

26. nóv. 2009

Tvö námskeið á vegum endurmenntunar HÍ

Laugardaginn 28. nóvember nk. verður haldið námskeið um Sáttmála Sameinuðu þjóðanna um réttindi fatlaðs fólks og mánudaginn 30. nóvember nk. verður haldið námskeiðið Barnavernd: skipulag, vinnsla og samstarf við aðra faghópa.
Lesa meira

25. nóv. 2009

Kennarafélag Reykjavíkur fagnar áherslu Þjóðfundar á menntun

Stjórn Kennarafélags Reykjavíkur hefur ályktað um þá niðurstöðu Þjóðfundarins í Laugardalshöll 14. nóv. sl. að setja menntamál í fyrsta sæti í framtíðarsýn þjóðarinnar.
Lesa meira

23. nóv. 2009

Annaruppbót, persónuuppbót

Núna nálgast fyrsti desember óðfluga og þangað til geta félagsmenn nálgast upplýsingar um annar- eða persónuuppbót á heimasíðu ki.is.
Lesa meira

20. nóv. 2009

Almennir kynningarfundir 24.-26. nóv. vegna samkomulags KÍ/framhaldsskóla vegna framlengingu á kjarasamningi

Samkomulag KÍ/framhaldsskóla og fjármálaráðherra f.h. ríkissjóðs um breytingar og framlengingu á kjarasamningi vegna félagsmanna KÍ í framhaldsskólum. Samkomulagið var undirritað 16. nóvember sl. með fyrirvara um samþykki félagsmanna KÍ í framhaldsskólum. Forsendur og markmið samkomulagsins byggja á stöðugleikasáttmála aðila vinnumarkaðar og stjórnvalda frá 25. júní s.l. Efni samkomulagsins er á sömu nótum og kjarasamningar annarra s.s. um gildistíma og um hækkun launataxta lægstu launa. Kjörstjórn KÍ hefur hafið undirbúning fyrir rafræna allsherjaratkvæðagreiðslu.
Lesa meira

18. nóv. 2009

Jólagjöfin í ár!

Föstudaginn nk. 20. nóvember byrjar Orlofssjóður aftur að selja veiðikortið. Nánari upplýsingar eru á www.veidikortid.is. Hver félagsmaður getur keypt eitt veiðikort.
Lesa meira

18. nóv. 2009

20 ára afmæli Barnasáttmálans fagnað

Í tilefni af 20 ára afmæli Barnasáttmála Sameinuðu þjóðanna stendur rannsóknastofa í bernsku- og æskulýðsfræðum BÆR á Menntavísindasviði Háskóla Íslands fyrir dagskrá mánudaginn 23. nóvember. Prófessorarnir Gunnar Finnbogason og Guðrún Kristinsdóttir flytja ávörp um réttindi og málefni barna. Kynnt verða sjáfboðaliðaverkefni sem kennaranemum gefst kostur á að taka þátt í. Þau felast annars vegar í nýrri svarþjónustu fyrir börn og unglinga heyrumst.is sem Barnaheill stendur fyrir og hins vegar í verkefninu Félagsvinur á vegum Rauða Kross Íslands. Þá verða sýndar stuttmyndir um tjáningu eftir nemendur í 8. og 9. bekk í Austurbæjarskóla.
Lesa meira

17. nóv. 2009

Ásabyggð 34 á Flúðum

Í september 2009 var tekinn í notkun nýr bústaður við Ásabyggð 34 á Flúðum. Bústaðurinn er 83m² og skiptist í þrjú svefnherbergi, stofu, eldhús með borðkróki og baðherbergi með sturtu. Húsið er mjög vel búið húsmunum og er þar m.a. útvarp/geislaspilari, sjónvarp, DVD, þvottavél og gasgrill. Einnig er heitur pottur og stór verönd við húsið.
Lesa meira

16. nóv. 2009

Menntun í fyrsta sæti á þjóðfundi

Menntamál voru í fyrsta sæti af þeim níu meginþemum sem þjóðfundurinn 2009 valdi á laugardaginn til að vísa veginn til framtíðar. Átján þemasetningar um framtíðarsýn í menntamálum voru settar fram á fundinum, afrakstur samræðu 144 þjóðfundarfulltrúa sem aftur hvíldi á fyrri samræðu allt að 1500 fulltrúa. Hér má lesa setningarnar um framtíðarsýnina.
Lesa meira

16. nóv. 2009

Dagur íslenskrar tungu

Dagur íslenskrar tungu er haldinn hátíðlegur um allt land í dag með ýmsum hætti. Þetta er í fjórtánda sinn sem þjóðin fagnar með Jónasi á fæðingardegi hans 16. nóvember og hugsar með væntumþykju til tungumálsins síns og hvers það er megnugt.
Lesa meira

13. nóv. 2009

Fréttabréf FF - 3. tölublað, nóvember 2009

3. tölublað fréttabréfs FF var að koma út. Mikið af áhugaverðu efni er í fréttabréfinu en þar er m.a. fjallað um endurnýjun kjarasamninga KÍ/FF, trúnaðarmannanámskeið og fulltrúafund á næsta ári og tilraunasamningar um ný framhaldsskólalög.
Lesa meira

13. nóv. 2009

Alþjóðleg ráðstefna á Íslandi - Skapandi kraftur í höndum ungs fólks

Árið 2009 er ár skapandi hugsunar og nýsköpunar í Evrópu. Þar sem Ísland fer með formennsku í norrænu ráðherranefndinni á þessu ári hefur mennta- og menningarmálaráðuneytið ákveðið að standa fyrir þriggja daga alþjóðlegri ráðstefnu, 2. – 4. desember 2009, á Grand Hótel Reykjavík. Ráðstefnan ber yfirskriftina Skapandi kraftur í höndum ungs fólks og er haldin í samstarfi við ýmsa erlenda aðila. Markmið hennar er vekja athygli á skapandi vinnu í höndum ungs fólks og hvernig menntakerfi geta stutt við slíkt starf.
Lesa meira

13. nóv. 2009

Leikskólakennari verður formaður norsku kennarasamtakanna

Mimi Bjerkestrand hefur líklega brotið blað í sögunni með kosningu sinni til formennsku Utdanningsforbundet þann 1. nóvember sl., að minnsta kosti vitum við ekki til þess hér í Kennarahúsinu að leikskólakennari hafi áður gegnt embætti formanns í landssamtökum kennara neins staðar í heiminum. Kosningin var hörkuspennandi og það gat ekki verið mjórra á mununum en Mimi hlaut 97 atkvæði og mótframbjóðandinn Haldis Holst, sem kemur úr grunnskólageiranum, 95 atkvæði. Alls kusu 192 og enginn skilaði auðu.
Lesa meira

13. nóv. 2009

Námskeið um matstækið Skólafærni-athugun (SFA)

Þann 27. nóvember n.k. verður námskeið í húsakynnum Námsmatsstofnunar Borgartúni 7a um matstækið SFA. Námskeiðið er ætlað kennurum, sérkennurum og öðru fagfólki sem starfar með 6-12 ára nemendum með sérþarfir af ýmsum toga. Fjallað verður um helstu einkenni og notagildi matstækisins, hugmyndafræðin kynnt og farið ítarlega í fyrirlögn og úrvinnslu. Þátttakendur fá þjálfun í að túlka matsniðurstöður, vinna úr upplýsingum, skrá markmið nemandans og nýta þau í áætlanagerð. Skráning er til 17. nóvember.
Lesa meira

13. nóv. 2009

Finnumst í Fjöru - söngur og upplestur í hádeginu 16. nóvember

Í tilefni af degi íslenskrar tungu, mun fagráð í íslensku í samvinnu við samtök eldri borgara í Kópavogi standa fyrir dagskrá tengdri Jónasi Hallgrímssyni með upplestri og söng í matsalnum í aðalbyggingu menntavísindasviðs HÍ við Stakkahlíð. Mætum öll kl. 12.00 í Fjöru og eigum saman góðar fjörutíu mínútur.
Lesa meira

12. nóv. 2009

Ráðstefnan Skóli án aðgreiningar

Fimmtudaginn 19. nóvember nk. verður haldin önnur ráðstefnan af þremur um skólastefnuna Skóli án aðgreiningar. Að þessu sinni er heitið Áskoranir og hindranir - Kastljósi beint að starfsfólki í skólasamfélaginu. Ráðstefnan hefst kl. 13:15 og henni lýkur kl. 16:30. Hún verður haldin í húsnæði Menntavísindasviðs Háskóla Íslands við Stakkahlíð.
Lesa meira

11. nóv. 2009

Ráðstefna Faghóps leikskólasérkennara og Faghóps listgreinakennara í leikskólum

Faghópur leikskólasérkennara og Faghópur listgreinakennara í leikskólum halda saman ráðstefnu í Salnum í Kópavogi fimmtudaginn 19. nóvember kl. 13:00 til 16:00. Ráðstefnugjald er 3.000 kr. Ráðstefnustjóri er Ingibjörg Kristleifsdóttir varaformaður Félags leikskólakennara.
Lesa meira

10. nóv. 2009

Alþýðufræðsla á Íslandi í 120 ár

Föstudaginn 13. nóvember verður haldið málþing í Rauða húsinu á Eyrarbakka undir heitinu Alþýðufræðsla á Íslandi í 120 ár. Málþingið er sett kl. 10:00 og því lýkur kl. 16:30 en að því loknu er boðið upp á léttar veitingar. Málþingið er öllum opið en síðasti skráningardagur er þriðjudagurinn 11. nóvember.
Lesa meira

10. nóv. 2009

Opið hús í Rannsóknastofu um þroska, mál og læsi 12. nóvember

Rannsóknarstofa um þroska, mál og læsi við Menntavísindasvið Háskóla Íslands hefur nú starfað í rúmt ár. Af því tilefni verður opið hús í húsakynnum hennar í E-204 (Enni) v/Stakkahlíð þann 12. nóvember frá kl. 14 til 17. Þeir sem að stofunni standa munu kynna á veggspjöldum nokkur þeirra rannsóknar- og þróunarverkefna sem unnið er að um þessar mundir og spjalla við gesti. Boðið verður upp á léttar veitingar.
Lesa meira

9. nóv. 2009

Framhaldsskólinn og fjárlagafrumvarpið

Ef fjárlagafrumvarpið 2010 verður samþykkt óbreytt er framhaldsskólunum gert að standa sjálfir straum af 40% af kostnaði vegna fleiri nemenda í forgangshópum (nemendur með fötlun og nemendur undir lögaldri). Einnig mun fjarnám og kvöldskólanám skerðast um helming. Millifærslur koma til með að bitna illa á skólum sem búa við þröngan húsakost. Þetta er meðal þess sem boðað er í fjárlagafrumvarpi 2010 eins og það snýr að framhaldsskólum.
Lesa meira

9. nóv. 2009

Ráðgjafi á sviði starfsendurhæfingar ráðinn til starfa hjá KÍ

Ráðgjöf á sviði starfsendurhæfingar er ný þjónusta sem er samvinnuverkefni stéttarfélaga og Virk, Starfsendurhæfingarsjóðs. Hlutverk Starfsendurhæfingarsjóðs er að draga markvisst úr líkum á því að launafólk hverfi af vinnumarkaði vegna varanlegrar örorku. Það er m.a. gert með því að auka virkni og efla endurhæfingu og önnur úrræði. Sjá nánari upplýsingar um Starfsendurhæfingarsjóð á www.virk.is.
Lesa meira

6. nóv. 2009

Hreyfing og vinnustaðurinn

Rannsóknir hafa sýnt að vinnustaðir sem stuðla að meiri hreyfingu starfsfólks eru meðal annars líklegri til að hafa þrekmeira og hraustara starfsfólk, aukna starfsánægju, betri starfsanda og öflugri liðsheild, færri veikindadaga starfsfólks og minni starfsmannaveltu en aðrir vinnustaðir.
Lesa meira

5. nóv. 2009

Reglugerð um inntak menntunar leik-, grunn- og framhaldsskólakennara ...

... hefur verið gefin út.
Lesa meira

5. nóv. 2009

Efni frá fundi komið inn

Fræðslufundur skólamálaráðs KÍ og skólamálanefnda aðildarfélaga var haldinn 20. október sl. og er efni frá fundinum aðgengilegt á vefnum.
Lesa meira

5. nóv. 2009

Skólaþing Sambands íslenskra sveitarfélaga ...

... var haldið 2. nóvember sl. Þar var meðal annars rætt um möguleika skóla og sveitarfélaga til þess að halda upp og jafnvel auka gæði og þjónustu í skólastarfi í kreppunni. Meðal framsögumanna á ráðstefnunni voru fjórir formenn aðildarfélaga KÍ. Það voru Björg Bjarnadóttir, formaður FL, Ólafur Loftsson, formaður FG, Sigrún Grendal, formaður FT og Kristinn Breiðfjörð, formaður SÍ.
Lesa meira

30. okt. 2009

Ráðstefna um trúarbragðafræðslu í skólum 7. nóvember

Félag kennara í kristnum fræðum, siðfræði og trúarbragðafræðum stendur fyrir ráðstefnu í tilefni af tíu ára afmæli félagsins laugardaginn 7. nóvember 2009 í húsakynnum menntavísindasviðs Háskóla Íslands. Ráðstefnan ber yfirskriftina Trúarbragðafræðsla í skólum - hvert stefnum við? Ráðherra mennta- og menningarmála, Katrín Jakobsdóttir, mun ávarpa ráðstefnuna og aðalfyrirlesarar eru dr. Robert Jackson og dr. Sigurður Pálsson. Ráðstefnan er þátttakendum að kostnaðarlausu.
Lesa meira

27. okt. 2009

Málþing Menntavísindasviðs á fimmtudag og föstudag - skráning

Í frétt frá því í gær, 26. október, gleymdist að nefna að frítt er á málþingið Föruneyti barnsins en nauðsynlegt er að skrá sig.
Lesa meira

26. okt. 2009

Föruneyti barnsins – málþing menntavísindasviðs á fimmtudag og föstudag

Dagana 29. - 30. október verður haldið í Skriðu v/Stakkahlíð málþing menntavísindasviðs Háskóla Íslands í samstarfi við menntamálaráðuneytið, Kennarasamband Íslands, Mennta- og Leikskólasvið Reykjavíkurborgar, Félag framhaldsskóla og samtökin Heimili og skóla. Dr. Charles Desforges frá Háskólanum í Exeter er aðalfyrirlesari en hann hefur meðal annars fjallað mikið um þá auðlind sem felst í foreldrum og hugsanlega verið vannýtt hingað til. Frú Vigdís Finnbogadóttir er sérstakur heiðursgestur þingsins og mun flytja stutt ávarp við setningu þess. Dr. Jón Torfi Jónasson forseti menntavísindasviðs setur þingið og Katrín Jakobsdóttir ráðherra mennta- og menningarmála flytur einnig ávarp við setninguna.
Lesa meira

23. okt. 2009

Innihaldsríkur fræðslufundur skólamálaráðs og -nefnda KÍ

Skólamálaráð og skólamálanefndir KÍ létu aldeilis hendur standa fram úr ermum sl. þriðjudag, 20. október. Þá var haldinn, af þeim og fyrir þau, fræðslufundur með miklum fjölda af örstuttum erindum um hin ýmsu mál sem tengjast verkefnasviði nefndanna og ráðsins. Yfirskrift fundarins var Fræðslufundur um starf KÍ og aðildarfélaga að skóla- og menntamálum. Til fundarins mættu, auk fyrrgreindra, starfsmenn menntamálaráðuneytis, SÍS og kennarahúss til að upplýsa um stöðu mála, hver í sínum málaflokki. Var það mat manna eftir fundinn að hann hefði verið upplýsandi og úr nógu að moða að honum loknum.
Lesa meira

22. okt. 2009

Textílkennarar og aðrir áhugasamir: Fyrirlestur og opið hús í Textílsetri

Haustnámskeið Textílseturs í Kvennaskólanum á Blönduósi standa yfir frá 24. – 27. október. Af því tilefni verður boðið upp á fyrirlesturinn Flækjur og fínerí - prjónamenning á vefnum nk. laugardag og þriðjudaginn 27. október verður opið hús með spjalli um prjón, hekl, gimb, spuna og fleira.
Lesa meira

22. okt. 2009

Leikskólinn Óskaland hlýtur viðurkenningu vegna vinnuverndarstarfs

Leikskólinn Óskaland í Hveragerði er annar tveggja vinnustaða sem hlaut nýverið viðurkenningu vegna vinnuverndarstarfs sem þykir til fyrirmyndar. Viðurkenningin var veitt á ráðstefnu Vinnuverndarvikunnar 2009, Áhættumat fyrir alla, sem haldin var á Grand hóteli 20. október. Við óskum Óskalandi innilega til hamingju og erum stolt af okkar fólki!
Lesa meira

22. okt. 2009

Opið málþing: Barnvænt samfélag

Félag leikskólakennara, Heimili og skóli og Samtök atvinnulífsins efna til opins málþings um barnvænt samfélag þriðjudaginn 10. nóvember á Grand Hótel Reykjavík. Málþingið fer fram í Gullteig og stendur frá kl. 8-11. Markmið með málþinginu er að skapa tækifæri fyrir hagsmunaaðila til að ræða um barnvænt samfélag út frá ólíkum sjónarhornum. Sjá meðfylgjandi auglýsingu.
Lesa meira

22. okt. 2009

Foreldrar sem auðlind í skólastarfi

Heimili og skóli og SAMFOK efna til opins fundar um foreldra sem auðlind í skólastarfi. Fundurinn verður haldinn á Grand hóteli fimmtudaginn 29. október 2009 klukkan 20:00. Charles Desforges, prófessor frá háskólanum í Exeter, heldur erindi um foreldra sem auðlind í skólastarfi.
Lesa meira

22. okt. 2009

Reynsla nemenda með ADD af grunnskólagöngu sinni

Á fræðslufundi ADHD samtakanna í kvöld, fimmtudaginn 22. október, mun Kristín Lilliendahl aðjúnkt við menntavísindasvið HÍ halda erindið „Reynsla nemenda með ADD af grunnskólagöngu sinni“. Kristín byggir fyrirlestur sinn á rannsókn á reynslu nemenda með athyglibrest án ofvirkni. Þá munu fjórar stúlkur með ADD segja frá grunnskólagöngu sinni.
Lesa meira

12. okt. 2009

Nordplus styrkir

Nordplus styrkir samstarf leik-, grunn- og framhaldsskóla við skóla á Norðurlöndum og í Eystrasaltslöndunum.
Lesa meira

12. okt. 2009

Umsóknir um meistaranám á vormisseri 2010 við Menntavísindasvið Háskóla Íslands

Umsóknarfrestur um meistaranám við Menntavísindasvið á vormisseri 2010 er 15. október. Í boði er fjölbreytt nám í öllum þremur deildum sviðsins.
Lesa meira

12. okt. 2009

Ný vinnuumhverfisbóla

Vinnuumhverfisbóla októbermánaðar er um næringu og vinnustaðinn.
Lesa meira

12. okt. 2009

Styrkir úr Sprotasjóði

Í frétt frá menntamálaráðuneytinu kemur fram: Mennta- og menningarmálaráðuneytið auglýsir eftir umsóknum um styrki úr Sprotasjóði leik-, grunn- og framhaldsskóla. Hlutverk sjóðsins er að styðja við þróun og nýjungar í skólastarfi.
Lesa meira

9. okt. 2009

Málþingið: Skólinn - góður vinnustaður!

Málþing um vinnuvistfræði í grunnskólum verður haldið mánudaginn 19. október frá kl. 13:00 til 17:00 í Norræna húsinu. Heiti málþingsins er Skólinn - góður vinnustaður! Eins og sjá má í dagskrá er um marga áhugaverða fyrirlestra að ræða.
Lesa meira

7. okt. 2009

Málþing Menntavísindasviðs 29. og 30. október

Dagana 29. og 30. október verður málþing Menntavísindasviðs haldið. Málþingið stendur frá 14:00 til 17:00. Ávörp flytja Katrín Jakobsdóttir menntamálaráðherra og frú Vigdís Finnbogadóttir.
Lesa meira

5. okt. 2009

Sköpum framtíð: Fjárfestum í kennurum án tafar

Í dag er Alþjóðadagur kennara haldinn hátíðlegur um allan heim. Tökum öll þátt í deginum og fögnum honum á okkar vinnustöðum. Að forgöngu UNESCO er 5. október sérstaklega helgaður kennurum og þennan dag nota þeir samtakamátt sinn til að tryggja að hugað sé að þörfum barna fyrir menntun í nútíð og framtíð. Um leið er 5. október tákn þess að við kunnum að meta mikilsvert framlag kennara til menntunar, framþróunar samfélaga og þroskunar einstaklinga. Yfirskrift dagsins í ár er þessi: Sköpum framtíð: Fjárfestum í kennurum án tafar.
Lesa meira

30. sep. 2009

Samrekstur leik-, grunn- og tónlistarskóla

Með nýjum grunnskólalögum frá 2008 var heimilað í 45. gr. laganna að samreka leik-, grunn- og tónlistarskóla. SÍ og FL fóru strax haustið 2008 fram á viðræður við LN um kjör stjórnenda samrekins skóla. Samkomulag var undirritað 20. ágúst sl. og hafa nú stjórnir FL, SÍ og LN staðfest það.
Lesa meira

30. sep. 2009

Styrkir úr þróunarsjóði námsgagna

Eftirfarandi kemur fram á vef menntamálaráðuneytis: Menntamálaráðuneyti auglýsir eftir umsóknum um styrki úr þróunarsjóði námsgagna. Hlutverk þróunarsjóðs námsgagna er að stuðla að nýsköpun, þróun, gerð og útgáfu námsgagna fyrir leik-, grunn- og framhaldsskóla í því markmiði að tryggja framboð og fjölbreytileika námsgagna í samræmi við þarfir nemenda og skóla. Sérstök áhersla er lögð á námsgögn sem tengjast lestrarkennslu og læsi í víðum skilningi.
Lesa meira

30. sep. 2009

Trúarbragðafræðsla í skólum - hvert stefnum við?

Í tilefni af tíu ára afmæli FÉKKST - Félag kennara í kristnum fræðum, siðfræði og trúarbragðafræðum, boðar stjórn félagsins til ráðstefnunnar Trúarbragðafræðsla í skólum - hvert stefnum við? Ráðstefnan fer fram í húsnæði menntavísindasviðs HÍ við Stakkahlíð laugardaginn 7. nóvember nk. og hefst kl. 11:00.
Lesa meira

28. sep. 2009

Trúnaðarmannanámskeið FL 2009

Trúnaðarmannanámskeið FL fyrir nýliða verður haldið í Reykjavík mánudaginn 5. október. Áður auglýst nýliðanámskeið á Akureyri fellur niður. Föstudaginn 2. október verður haldið námskeið fyrir alla trúnaðarmenn (líka nýliða) á Akureyri, á Selfossi fimmtudaginn 15. október og í Reykjavík þriðjudaginn 13. október og þriðjudaginn 27. október.
Lesa meira

24. sep. 2009

Heimsganga og mannlegt friðarmerki 2. október – kennarar hvattir til þátttöku

Heimsgangan Í þágu friðar og tilveru án ofbeldis leggur af stað frá Wellington á Nýja-Sjálandi þann 2. október á fæðingardegi Ghandis. Þetta er um þrjátíu manna hópur sem ferðast um nærri hundrað lönd og er komu þeirra fagnað með friðargöngum, ráðstefnum og öðrum uppákomum, auk þess sem fulltrúar hópsins hitta friðarsinna og ráðamenn á hverjum stað. Hérlendis er starfandi skipulagshópur vegna heimsgöngunnar og ásamt fjölmörgum samtökum og einstaklingum stendur hann fyrir því að mynda stórt mannlegt friðarmerki á Klambratúni (Miklatúni) kl. 20:00 föstudaginn 2. október. Þennan sama dag, sem er jafnframt dagur Sameinuðu þjóðanna án ofbeldis (Day of Nonviolence), verða viðburðir um allan heim til að fagna upphafi Heimsgöngunnar og gera þennan merka dag hátiðlegan.
Lesa meira

24. sep. 2009

Hádegisfyrirlestrar Rannsóknastofu í vinnuvernd

Í haust verða haldnir áhugaverðir fyrirlestrar á vegum Rannsóknarstofu í Vinnuvernd. Fyrirlestrarnir eru haldnir í Háskóla Íslands í stofu 201 í Odda og standa frá kl. 12:00 – 13:00.
Lesa meira

24. sep. 2009

Evrópski tungumáladagurinn

KÍ vekur athygli á Evrópska tungumáladeginum þar sem stofnun Vigdísar Finnbogadóttur og FEKÍ, Félag enskukennara á Íslandi, efna til hátíðardagskrár í tilefni af deginum og 40 ára afmælis FEKÍ.
Lesa meira

21. sep. 2009

Fundur um sjálfsmynd og kynhegðun unglinga

Sjálfsmynd og kynhegðun unglinga er til umræðu á morgunverðarfundi forvarnarhópsins Náum áttum á Grand hóteli 30. september kl. 8:15.
Lesa meira

17. sep. 2009

Umsóknir um námslaun vegna framhaldsnáms skólaárið 2010-2011

Verkefna- og námsstyrkjasjóður Félags grunnskólakennara og Skólastjórafélags Íslands auglýsir eftir umsóknum félagsmanna í grunnskólum um námslaun vegna framhaldsnáms á skólaárinu 2010-2011. Væntanlegir styrkþegar fá greidd laun á námsleyfistíma í allt að tólf mánuði eftir lengd náms. Eyðublöð fást á skrifstofu sjóðsins og á heimasíðu Kennarasambandsins. Umsóknarfrestur er til 1. okt. 2009.
Lesa meira

11. sep. 2009

Með sól í hjarta – ráðstefna 9. október

Faghópur leikskólastjóra heldur ráðstefnuna Með sól í hjarta þann 9. október nk. í Gullhömrum Grafarholti. Rithöfundurinn og kennarinn Holly Elissa Bruno heldur tvo fyrirlestra á ráðstefnunni.
Lesa meira

11. sep. 2009

Vantar þig skemmtilega leiki til að nota í skólastofunni?

Félag um leiklist í skólastarfi, FLÍSS, í samstarfi við Fræðsludeild Þjóðleikhússins boðar til fyrstu vinnusmiðju vetrarins nk. þriðjudagskvöld kl. 20.00 að Lindargötu 3. Smiðjuna leiðir víðfrægur finnskur kennari, Tintti Karppinen.
Lesa meira

11. sep. 2009

Námsleyfi grunnskólakennara og skólastjórnenda 2010-2011

Frétt frá Sambandi íslenskra sveitarfélaga: Samband íslenskra sveitarfélaga auglýsir eftir umsóknum í Námsleyfasjóð vegna námsleyfa grunnskólakennara og stjórnenda grunnskóla skólaárið 2010-2011. Umsóknarfrestur er til og með 12. október 2009. Stjórn Námsleyfasjóðs hefur ákveðið að við úthlutun verði sett í forgang nám sem tengist kennslu í lestri og læsi. Skal allt að 1/3 námsleyfa úthlutað vegna þessa.
Lesa meira

11. sep. 2009

Hljóðvist í leik- og grunnskólum

Athyglisverð málstofa, um hljóðvist í leik- og grunnskólum, verður haldin föstudaginn 25. september 2009 kl. 12:00 – 16:00 í Bratta, sal í nýbyggingu, á Menntavísindasviði HÍ við Stakkahlíð. Skólamenn og aðrir sérfræðingar fjalla um hljóðvist út frá hönnun húsnæðis, heilsufari, námi og fleiri sjónarhornum. Dagskráin verður túlkuð á táknmál. Skráning á ust hjá ust.is fyrir 23. september.
Lesa meira

11. sep. 2009

Áttatíu og sex prósent finnst starfsemi KÍ mikilvæg

Alls hafa 606 svarað spurningunni: Finnst þér starfsemi KÍ mikilvæg? 76% svarenda finnst hún mjög mikilvæg og 10% finnst hún frekar mikilvæg. Önnur svör skiptust þannig að 1% hefur ekki tekið afstöðu, 6% finnst starfsemin ekkert sérstaklega mikilvæg og 4% hökuðu við síðasta svarmöguleikann, „nei, engan veginn“.
Lesa meira

7. sep. 2009

Vinnuumhverfisbóla þessa mánaðar ...

... er bleik.
Lesa meira

4. sep. 2009

Börn með tal- og málþroskafrávik - stofnun nýs félags

Í undirbúningi er að stofna félag sem berst fyrir hagsmunum barna með tal- og málþroskafrávik. Stofnfundur félagsins verður 16. september nk. kl. 20:00 í Skriðu í húsnæði Menntavísindasviðs HÍ við Stakkahlíð.
Lesa meira

4. sep. 2009

Alþjóðadagur læsis 8. september

Á degi læsis er fólk hvar sem er á landinu hvatt til að lesa upp fyrir hvert annað, segja sögur, fara með ljóð eða á annan hátt nota málið til ánægjulegra samskipta. Árið 1965 tileinkuðu Sameinuðu þjóðirnar ár hvert 8. september mikilvægi læsi fyrir lífsgæði og baráttunni gegn ólæsi. Í heiminum eru ennþá 20% fullorðinna ólæsir vegna skorts á tækifærum. Þar af er hlutfall ólæsra kvenna 66%. 75 milljónir barna eiga ekki kost á skólagöngu.
Lesa meira

31. ágú. 2009

Svæðisþing tónlistarskóla standa yfir

Svæðisþing tónlistarskóla standa nú yfir en þau eru haldin á sex stöðum út um land að þessu sinni. Tvö þing eru yfirstaðin þ.e. fyrir tónlistarskóla á Austurlandi og á Vestfjörðum og voru skipuleggjendur mjög ánægðir með hvernig til tókst.
Lesa meira

25. ágú. 2009

Málörvun og lestur

Ráðstefna á Hótel Sögu 10. september kl. 13:00 til 17:00 þar sem fjallað verður um gagnlegar og skemmtilegar aðferðir sem hjálpa leik- og grunnskólabörnum.
Lesa meira

21. ágú. 2009

Skapandi skólastarf - Opnar leiðir í námi og kennslu

Árleg ráðstefna 3f félags um upplýsingatækni og menntun verður haldin í samstarfi við Rannum 2. október 2009. Fyrirlesarar verða bæði erlendir og innlendir aðilar með mikla þekkingu og reynslu á sviði upplýsingatækni og skapandi skólastarfs. Aðalfyrirlesari ráðstefnunnar er Dr. Sugata Mitra en hann er prófessor við Newcasle háskóla.
Lesa meira

13. ágú. 2009

Skóli – Nám – Samfélag

Ráðstefna til heiðurs dr. Wolfgang Edelstein áttræðum verður haldin föstudaginn 21. ágúst, kl. 13.00-17.00 í SKRIÐU, Menntavísindasviði Háskóla Íslands.
Lesa meira

12. ágú. 2009

Framhaldsskólanemendur eiga rétt á kennslu í íslensku sem öðru tungumáli samkvæmt nýrri reglugerð

Þann 2. júlí sl. kom út ný reglugerð sem fjallar um rétt nemenda í framhaldsskólum til kennslu í íslensku sem öðru tungumáli. Um er að ræða nemendur sem hafa annað móðurmál en íslensku, eða hafa dvalist langdvölum erlendis og hafa litla kunnáttu í málinu.
Lesa meira

12. ágú. 2009

PISA ráðstefna um árangur í raungreinum 17. og 18. ágúst

Ráðstefnan Northern lights III um niðurstöður PISA 2006 verður haldin á Grand hóteli í Reykjavík dagana 17. og 18. ágúst nk. Að þessu sinni er sjónum beint að árangri nemenda í raungreinum við lok skyldunáms.
Lesa meira

4. ágú. 2009

Kennarahúsið opnar eftir sumarleyfi

Skrifstofur Kennarasambandsins opnuðu í dag eftir sumarlokun. Hlökkum til að sjá ykkur kæru félagsmenn og vonum að allir hafi notið sumarsins!
Lesa meira

2. júl. 2009

Lokun Kennarahúss, afgreiðsla Orlofssjóðs og annarra sjóða

Kennarahúsið verður lokað frá og með 13. júlí til og með 3. ágúst. Afgreiðslan opnar aftur þriðjudaginn 4. ágúst klukkan 9:00. Umsóknir allra sjóða verða næst greiddar út 15. ágúst. Þeir sem þurfa að ná sambandi við Orlofssjóð meðan á sumarlokun stendur geta hringt í síma 595 1170 eftir hádegi eða sent tölvupóst á orlof hjá ki.is.
Lesa meira

2. júl. 2009

Umsókn á endurgreiðslu skráningargjalda í skóla

Nokkuð hefur verið af fyrirspurnum varðandi umsóknir á endurgreiðslu skráningargjalda í skóla. Þegar félagsmaður sækir um endurgreiðslu þarf hann að senda útfyllt umsóknareyðublað og kvittun á greiðslu gjaldanna. Greiðslukvittun má vera prentuð úr heimabanka.
Lesa meira

2. júl. 2009

Stability Pact - Stöðugleikasáttmáli

The Stability Pact is accessible here - Hér meðfylgjandi er stöðugleikasáttmálinn á ensku.
Lesa meira

2. júl. 2009

Kennarar fylgi eftir faglegu endurmati og forgangsröðun verkefna í skólakerfinu

Á fundi stjórna og samninganefnda aðildarfélaga KÍ þann 29. júní sl. kom fram að mjög mikilvægt er að nýta ákvæði stöðugleikasáttmálans sem lúta að virku samráði og fylgja því eftir að forgangsröðun verkefna í endurmati vegna aðhaldsaðgerða sé fagleg og með hagsmuni nemenda í forgrunni. „Við verðum að fylgjast með því að forgangsröðun sé eins og við teljum réttasta,“ sagði einn fundarmanna og annar hafði á orði að þótt staðan væri ekki góð þyrftu kennarar að passa sig á meðvirkni í ástandinu. Í leiðarljósum aðhaldsaðgerða í skýrslu fjármálaráðherra um áætlun um jöfnuð í ríkisfjármálum 2009–2013 er lögð áhersla á faglega forgangsröðun verkefna og að forðast beri flatan niðurskurð.
Lesa meira

29. jún. 2009

Nýlokið er fundi stjórna og samninganefnda aðildarfélaga KÍ um sáttmálann

Þrátt fyrir veðurblíðu streymdi Kennarasambandsfólk á Grand hótel í Reykjavík til að ræða um stöðugleikasáttmálann sem var undirritaður í síðustu viku. Á þessum fundi stjórna og samninganefnda aðildarfélaga KÍ, sem var að ljúka, var meðal annars staðfest að opinberir starfsmenn stimpluðu sig aldrei út í viðræðum um stöðugleikasáttmálann eins og haldið hefur verið fram í fjölmiðlum. Á fundinum var farið í gegnum sáttmálann og forystumenn aðildarfélaga tóku til máls og sögðu frá stöðunni í sínu félagi m.t.t. kjarasamninga, niðurskurðar og annarra aðgerða. Vakin var sérstök athygli á fyrstu grein sáttmálans sem er mjög mikilvæg en þar segir að ekki verði gripið til lagasetninga eða annarra stjórnvaldsaðgerða sem hafa bein áhrif á innihald kjarasamninga eða kollvarpa með öðrum hætti þeim grunni sem kjarasamningar byggjast á.
Lesa meira

29. jún. 2009

KÍ fólk fundar um stöðugleikasáttmálann í dag

Í dag, mánudag, verður fundað með stjórnum og samninganefndum aðildarfélaga Kennarasambandsins og farið yfir stöðugleikasáttmálann sem var undirritaður í Þjóðmenningarhúsinu 25. júní sl. Fundurinn verður haldinn á Grand hóteli í Reykjavík og hefst kl. 13:00.
Lesa meira

26. jún. 2009

Myndir frá undirritun stöðugleikasáttmálans

Ljósmyndararnir Jón Svavarsson og Þorleifur Óskarsson tóku þessar myndir í Þjóðmenningarhúsinu í gær þegar stöðugleikasáttmálinn var undirritaður.
Lesa meira

26. jún. 2009

Undirritaður stöðugleikasáttmáli

Hér er pdf af undirrituðum stöðugleikasáttmála.
Lesa meira

25. jún. 2009

Standa á vörð um menntakerfið og ganga frá kjarasamningum eins fljótt og auðið er

Skrifað var undir stöðugleikasáttmála laust eftir hádegi í Þjóðmenningarhúsinu í dag, 25. júní. Mikil áhersla er lögð á áframhaldandi virkt og víðtækt samráð í sáttmálanum. Samkvæmt honum verður hlutdeild skattahækkana í endurreisn ríkisfjármála allt að en aldrei hærra en 45%, endurskipulagningu eignarhalds bankanna skal vera lokið 1. nóvember á þessu ári og vextir verði komnir í eins stafs tölu fyrir þann tíma.
Lesa meira

25. jún. 2009

KÍ fundur um stöðugleikasáttmálann á mánudag

Næstkomandi mánudag 29. júní verður fundað með stjórnum og samninganefndum aðildarfélaga Kennarasambandsins og farið yfir stöðugleikasáttmálann sem verið er að undirrita í Þjóðmenningarhúsinu. Fundurinn verður haldinn á Grand hóteli í Reykjavík kl. 13:00.
Lesa meira

25. jún. 2009

Fréttatilkynning frá Bandalagi háskólamanna, BSRB og Kennarasambandi Íslands

Samtök opinberra starfsmanna, BHM, KÍ og BSRB hafa tekið þátt í samráði aðila vinnumarkaðarins um kjarasamningagerð og forsendur hennar í ljósi efnahagsþrenginga í landinu. Myndin af umfangi fjárhagsvandans er fyrst nú að skýrast og er mun dekkri en lá fyrir við upphaf vinnunnar. Samtökin hafa lagt áherslu á að verja störf og kjaraumhverfi félagsmanna. Stöðugleikasáttmáli er mikilvægur grundvöllur uppbyggingar og endurreisnar í landinu jafnframt því að mynda umgjörð fyrir vinnu við gerð kjarasamninga til ársloka 2010. Samtök opinberra starfsmanna telja nauðsynlegt að mynda enn breiðari grundvöll undir áframhaldandi vinnu með stjórnvöldum við uppbyggingu efnahags, atvinnulífs og kjara í landinu og að í þeirri vinnu verði jafnræði allra aðila tryggt.
Lesa meira

23. jún. 2009

Stjórn FT gagnrýnir framkvæmd niðurskurðar í tónlistarskólum í borginni

Stjórn Félags tónlistarskólakennara (FT) sendi nýverið bréf til borgarstjóra og borgarstjórnar Reykjavíkur þar sem lýst er miklum áhyggjum af stórfelldum niðurskurði á fjárframlögum til tónlistarskóla í borginni. Í bréfi sínu bendir stjórn FT á að fyrirhugaðar breytingar á reglum borgarinnar um þjónustusamninga við tónlistarskóla, sem muni leiða af sér lakari starfskjör en kjarasamningar kveða á um, eru að mati stjórnar FT brot á friðarskyldu á gildistíma kjarasamninga. Stjórn FT leggur ríka áherslu á að starfskjör tónlistarskólakennara samkvæmt kjarasamningum séu virt og þá um leið samningsréttur félagsins.
Lesa meira

23. jún. 2009

Stíf fundahöld um stöðugleikasáttmálann

Áfram er fundað um stöðugleikasáttmálann í Karphúsinu í dag og sex fulltrúar Kennarasambandsins eru að störfum í Borgartúninu þegar þetta er skrifað, þeirra á meðal formaður og varaformaður KÍ. Ekki er enn að fullu ljóst hver framvinda verður enda viðræðum ekki lokið við ríkisstjórnina um fjármálarammann og tiltekin atriði.
Lesa meira

19. jún. 2009

KÍ mun ekki semja um lækkun taxtalauna

Síðustu daga hafa verið haldnir nokkrir fundir í vinnuhópum vegna gerðar svokallaðs stöðugleikasáttmála og í gær var kynnt frumvarp til laga um ráðstafanir í ríkisfjármálum. Fátt í því frumvarpi kemur í sjálfu sér á óvart þar sem flestir þættir þess höfðu verið ræddir á vettvangi samningsaðila áður en þeir voru kynntir í frumvarpinu.
Lesa meira

15. jún. 2009

Skólaganga barna með athyglisbrest og ofvirkni

Námskeið fyrir kennara og annað starfsfólk grunnskóla 2009 - 2010. Um er að ræða 5 fyrirlestra sem verða 13. og 14. ágúst.
Lesa meira

12. jún. 2009

Útivistarglaðir kennarar frá Íslandi í norska sjónvarpinu

Í gær var birt ítarleg frétt í norska ríkissjónvarpinu, svæðissjónvarpi Vesturlands, um íslenska kennara sem staddir eru á námskeiði í Noregi um útiskólun. Stórskemmtilegt!!
Lesa meira

11. jún. 2009

Norræn ráðstefna um jafnréttisfræðslu í skólum

Dagana 21. til 22. september 2009 verður haldin norræn ráðstefna um jafnréttisfræðslu í skólum. Ráðstefnan verður haldin á Grand Hótel Reykjavík. Hún er opin fyrir alla sem vilja fræðast um jafnréttisfræðslu og jafnréttisstarf í skólum og sækjast eftir innblæstri til góðra verka á því sviði.
Lesa meira

9. jún. 2009

Samningafréttir 9. júní 2009

Nokkuð hefur verið um fundarhöld í Karphúsinu og eins hefur verið fundað með ráðherrum ríkisstjórnarinnar og embættismönnum síðustu daga. Vinnuhópur um ríkisfjármál og velferðarmál hefur fundað nokkrum sinnum og eins hefur hópur um efnahags- og atvinnumál haldið nokkra fundi. Lítið hefur verið um fundarhöld í þeim hópi sem fjallar um launaþáttinn og ljóst að á þeim stað eru sjónamið aðila nokkuð ólík. Þá hafa verið haldnir fundir í sameiginlegum hópi allra vinnuhópanna.
Lesa meira

5. jún. 2009

Til hamingju Blönduós! Foreldraverðlaunin 2009 veitt í gær

Grunnskólinn á Blönduósi og Fræðsluskrifstofa Austur-Húnavatnssýslu hlutu Foreldraverðlaun Heimilis og skóla – landssamtaka foreldra sem afhent voru í fjórtánda sinn í gær, 4. júní, í Þjóðmenningarhúsinu við Hverfisgötu í Reykjavík. Katrín Jakobsdóttir menntamálaráðherra afhenti verðlaunin.
Lesa meira

4. jún. 2009

Gott skólastarf skiptir sköpum

Samfok, samtök foreldra grunnskólabarna í Reykjavík, samþykktu ályktun á aðalfundi sínum 26. maí sl. þar sem skorað er á menntamálaráðherra og sveitarstjórnir að slá skjaldborg um menntun og velferð grunnskólabarna. „Niðurskurður á fjármagni til skóla- og frítimastarfs á tímum efnahagsþrenginga mun hafa afar afdrifaríkar afleiðingar fyrir börnin okkar,“ segir meðal annars í ályktuninni. Þá segir: „Sá félagslegi stuðningur sem felst í góðu skóla- og frístundastarfi skiptir sköpum um hvort grunnskólabörn koma heil út úr þeim vanda sem margar fjölskyldur eiga nú við að etja. Grunnskólinn hefur verið kjölfesta og vettvangur jöfnuðar sem almenn sátt hefur verið um í samfélaginu.
Lesa meira

4. jún. 2009

Fjárfesting í menntakerfinu skilar tvöföldum árangri á við skattalækkanir.

„Verjum börnin og fjárfestum í menntun“ er yfirskrift á bréfi sem norrænu kennarasamtökin NLS sendu ríkisstjórnum á Norðurlöndum í maí sl. Í bréfinu er hvatt til þess að ungt fólk sé varið fyrir áföllum og komið í veg fyrir niðurskurð í menntakerfinu. Þar er m.a. vitnað til fullyrðinga sérfræðinga hjá Alþjóðagjaldeyrissjóðnum um að fjárfesting í menntakerfinu skili tvöföldum árangri á við skattalækkanir.„Áhrif hinnar alþjóðlegu bankakreppu koma niður á Norðurlöndunum með mismunandi hætti,“ segir meðal annars í bréfinu. „Enn er erfitt að hafa yfirsýn yfir þau í bráð og lengd. Við, sem erum fulltrúar kennarasamtaka á öllum Norðurlöndunum, höfum miklar áhyggjur af umræðu um niðurskurð í menntakerfinu og þeirri staðreynd að sums staðar er hann þegar hafinn. Skammsýnar ákvarðanir um að draga úr fjármunum til skólastarfs hafa alvarleg áhrif á börn og ungmenni.“
Lesa meira

29. maí 2009

Samningafréttir: Lítið að gerast í Karphúsinu en KÍ fólk fundar næsta þriðjudag

Núna er fundað í Karphúsinu en fátt fréttnæmt. Hins vegar hefur verið boðaður fundur næsta þriðjudag þar sem hittast stjórn Kennarasambandsins, stjórnir aðildarfélaga KÍ og samninganefndir þeirra. Þrennt verður tekið fyrir á fundinum: 1. Farið yfir helstu atriði sem rætt er um í Karphúsinu og með ráðherrum ríkisstjórnar. 2. Nokkrar tölfræðilegar upplýsingar. 3. Umræður og, eftir atvikum, ákvarðanir um næstu skref.
Lesa meira

28. maí 2009

Þróun háskóla í ljósi nýlegra hugmynda um breytta skipan þeirra

Jón Torfi Jónasson, forseti Menntavísindasviðs Háskóla Íslands, flytur fyrirlestur um þróun háskóla þriðjudaginn 2. júní kl. 16.00. Í fyrirlestrinum mun Jón Torfi reifa ýmis atriði sem einkennt hafa þróun háskóla á Vesturlöndum, m.a. í ljósi fyrri verka hans um þetta efni, og ýmis álita- og átakamál sem henni fylgja. Jón Torfi telur mikilvægt að háskólafólk taki virkan þátt í mótun háskólanna og mun hann varpa fram nokkrum spurningum til fundargesta, m.a. með hliðsjón af umræðunni að undanförnu um skipan háskólamála hér á landi.
Lesa meira

28. maí 2009

Landskrifstofa eTwinning-áætlunar ESB auglýsir:

Byrjendanámskeið fyrir leikskólakennara í eTwinning verður haldið 10. júní 2008 á Háskólatorgi (við hliðina á aðalbyggingu HÍ). Námskeiðið hefst stundvíslega kl 8:30 og stendur til 12:00. Ekkert þátttökugjald.
Lesa meira

27. maí 2009

Fullt samráð verði haft við stjórnendur grunnskóla

Skólastjórafélag Suðurlands hvetur til þess að haft verði víðtækt samráð við stjórnendur grunnskóla í þeirri vinnu grunnskólayfirvalda í sveitarfélögunum sem framundan er við að ná fram sparnaði í rekstrarútgjöldum á grunnskólastiginu. Þetta kemur fram í ályktun sem félagið samþykkti á vorfundi sínum þann 22. maí sl. Ennfremur segir að það sé afar óheppilegt að velja eina miðstýrða leið til niðurskurðar, mjög gætilega verði að fara í að skerða þjónustu sem grunnskólinn veiti og það verði að skoða út frá forsendum hvers og eins skóla og í samráði við stjórnendur.
Lesa meira

27. maí 2009

Ákall erlendra sérfræðinga um að Ísland viðurkenni mikilvægi menntunar

Alþjóðleg nefnd skipuð sérfræðingum frá OECD og úr finnska menntamálageiranum auk fleiri kallar eftir því að athafnir fylgi orðagjálfri og öll ráðuneyti og stjórnmálaflokkar forgangsraði í þágu menntunar. Ennfremur að ráðamenn átti sig á að niðurskurður geti haft alvarlegar afleiðingar fyrir framtíð Íslands. Sjaldgæft er að heyra talað jafn tæpitungulaust hjá stjórnskipaðri nefnd og hér er gert og hlýtur að verða til þess að fólk átti sig á alvöru málsins.
Lesa meira

26. maí 2009

Umboðsmaður barna varar við niðurskurði í skólum

Umboðsmaður barna hvetur menntamálaráðherra og Samband íslenskra sveitarfélaga til að íhuga málið vel áður en ráðist er í að fækka kennsludögum í grunnskólum. Mikilvægt sé að hagsmunir barna séu ávallt hafðir í fyrirrúmi og börnum hlíft við hvers kyns niðurskurði sem sveitarfélögin standa frammi fyrir. Þetta kemur fram í bréfi umboðsmanns en hann er sem kunnugt er opinber talsmaður allra barna á Íslandi. Í bréfinu ítrekar umboðsmaður að börn og ungmenni eru viðkvæmur þjóðfélagshópur sem þarfnast sérstakrar verndar og umönnunar umfram aðra þjóðfélagsþegna.
Lesa meira

26. maí 2009

Að vanda til námsmats – Námstefna um námsmat í framhaldsskólum

Miðvikudaginn 27. maí verður efnt til námstefnu um námsmat í framhaldsskólum í Skriðu, aðalfyrirlestrasal Menntavísindasviðs Háskóla Íslands frá kl. 9.00-16.30. Á námstefnunni verða flutt fjölmörg erindi um námsmatsaðferðir og stöðu námsmats í framhaldsskólum. Námstefnan er öllum opin og aðgangur ókeypis.
Lesa meira

25. maí 2009

Ráðherra fer ekki gegn vilja kennara

Í frétt á Vísi.is í dag kemur fram að menntamálaráðherra hyggist ekki fara gegn vilja kennara, en Kennarasambandið hefur lagst gegn hugmyndum Sambands íslenskra sveitarfélaga um fækkun skóladaga í grunnskólum.
Lesa meira

25. maí 2009

Samningafréttir: Fundað í þremur samflotsvinnuhópum í vikunni

Föstudaginn 22. maí voru haldnir fundir í vinnuhópum sem tengjast endurskoðun og gerð kjarasamninga. Fulltrúar KÍ í hópunum lögðu fram yfirlýsingu (sjá frétt dags. 22. maí) frá Kennarasambandi Íslands þar sem sett eru fram skilyrði fyrir áframhaldandi þátttöku KÍ í samflotinu. Vikuna 25. til 29. maí verður áfram fundað í hópum og reynt að ná utan um þau verkefni sem hópunum er ætlað að vinna.
Lesa meira

22. maí 2009

Yfirlýsing frá Kennarasambandi Íslands 22. maí 2009

Fulltrúar KÍ í viðræðum aðila vinnumarkaðarins og stjórnvalda, sem nú standa yfir, lögðu fram yfirlýsingu á fundi aðila í dag. Yfirlýsingin er lögð fram í ljósi frétta og viðtala um að Samband íslenskra sveitarfélaga beiti nú öllum ráðum til að fá stjórnvöld til að breyta grunnskólalögum með það að markmiði að skerða laun um 5%. Fulltrúar KÍ telja ekki heiðarlegt að sitja við samningaborð og leita sameiginlegra lausna meðan einn aðili þess samráðs nýtir tímann til að fá löggjafann í lið með sér í tilraunum sínum til að skerða kjör.
Lesa meira

22. maí 2009

Samningafréttir: Fundir í samflotinu 19. og 20. maí 2009

Ný samningafrétt er komin inn undir samningafréttabóluna.
Lesa meira

20. maí 2009

Bannað að kalla hlutina sínum réttu nöfnum

Svo virðist sem orðið „niðurskurður“ njóti ekki bara lítilla vinsælda hjá þeim sem verða fyrir honum heldur ekki síður þeim sem halda á hnífnum. Mikið er rætt um hagræðingaraðgerðir í skólamálum en menn setur hljóða ef minnst er á niðurskurð. Engu að síður er víða niðurskurður og tíðum illa grundaður. Á fundi menntaráðs þann 13. maí var til dæmis borin fram tillaga um samráð við skólaráð um niðurskurð. Hún var samþykkt með þeirri breytingu að í stað hins uggvænlega niðurskurðar komu orðin árleg starfsáætlun og rekstraráætlun.
Lesa meira

20. maí 2009

„Samningabólur“ á heimasíðu KÍ

Mikilvægt er að félagsmenn geti fylgst jafnóðum með samningamálum. Þar ber að nefna helstu fundi í samflotinu (sjá nánar í samningabólu), einnig fundi og annað samstarf samningsaðila hjá hinu opinbera , fundi innan KÍ og fleira. Hér er safnað saman samningafréttum og þær birtar sem sk. samningabólur, samsvarandi bólum um vinnuumhverfismál sem birtar eru mánaðarlega. Samningabólurnar eru jafnframt settar undir liðinn Kennarinn og kreppan hægra megin á síðunni. Við vonum að þetta mælist vel fyrir. Hér er fyrsta samningabólan.
Lesa meira

20. maí 2009

Áherslur Kennarasambandsins í viðræðum um „Stóra sáttmála“

Áfram er fundað um stöðugleikasáttmálann í Karphúsinu í dag og fulltrúar á vinnumarkaði vinna hörðum höndum, í samráði við ríkisstjórnina, að því að slíkur sáttmáli líti dagsins ljós hið fyrsta. KÍ fer með eftirfarandi áhersluatriði inn í þessar mikilvægu samningaviðræður.
Lesa meira

18. maí 2009

Vettvangsnám fyrir verkmenntakennara og raungreinakennara í framhaldsskólum skólaárið 2009-2010

Samstarfsnefnd um endurmenntun framhaldsskólakennara býður upp á vettvangsnám fyrir verkmenntakennara og raungreinakennara í framhaldsskólum næsta vetur. Fyrirkomulag námskeiðsins er þannig að kennt er í fjórum lotum yfir veturinn á helgarnámskeiðum. Gert er ráð fyrir tveimur lotum á haustönn og tveimur á vorönn. Viðfangsefni og fyrirlestrar eru valin í samráði við þátttakendur en gert er ráð fyrir því að starfendarannsóknir verða kynntar svo og hugmyndir að námsmati, einkum leiðbeinandi mati og matskvörðum því tengdu. Allir þátttakendur gera litla starfendarannsókn þar sem kennarinn skoðar eigin kennslu í þeim tilgangi að bæta nám nemenda. Umsóknarfrestur er til 10. júní nk.
Lesa meira

13. maí 2009

Tónlistarhátíð unga fólksins 4.-16. ágúst

Tónlistarhátíð unga fólksins verður haldin í annað skipti dagana 4. - 16. ágúst 2009 í Salnum í Kópavogi. Ætlun okkar er að skapa vettvang þar sem tónlistarnemendur á hinum ýmsu stigum náms geta komið saman og lært af frábærum listamönnum.
Lesa meira

13. maí 2009

1. og 2. deild - opinn félagsfundur í Skriðu í húsi Menntavísindasviðs HÍ (áður KHÍ)

Í dag, miðvikudaginn 13. maí, er félagsfundur 1. og 2. deildar FL. Fundurinn hefst kl. 18:00 og verður hann sendur út á vefnum.
Lesa meira

12. maí 2009

Annaruppbót/orlofsuppbót 1. júní 2009

Þann 1. júní verður greidd út annar- eða orlofsuppbót.
Lesa meira

12. maí 2009

Samtök fámennra skóla lögð niður

Á tuttugu ára afmæli Samtaka fámennra skóla sl. laugardag var ákveðið að leggja samtökin niður. Um tuttugu manns víðs vegar að af landinu mættu á afmælisstefnu og aðalfund SFS í Stórutjarnaskóla þar sem Ólafur Arngrímsson og samstarfsmenn hans tóku vel á móti fólki með góðum viðurgerningi í fallegu umhverfi. Fluttir voru fyrirlestrar um skólamál í fámennum byggðum og að því loknu hófst aðalfundur en fyrir honum lá meðal annars stjórnartillaga um að leggja samtökin niður.
Lesa meira

12. maí 2009

Leikskólinn og samfélagið

Ráðstefna Samtaka áhugafólks um skólaþróun verður haldin föstudaginn 5. júní í tengslum við stóra leikskóladaginn í Reykjavík. Stóri leikskóladagurinn verður svo haldinn laugardaginn 6. júní.
Lesa meira

11. maí 2009

Sálfræðiráðgjöf út maí

Kennarasamband Íslands hvetur félagsmenn sína til að nýta sér áður auglýsta símaráðgjöf sálfræðinga. Ráðgjöfin verður í boði út maí og hægt er að leita til sálfræðinganna af jafnt faglegum sem persónulegum ástæðum. Viðtalstímar hjá Hugo Þórissyni eru á þriðjudögum milli 16 og 18 og hjá Þórkötlu Aðalsteinsdóttur á fimmtudögum milli 15 og 17. Upplýsingar um símanúmer sálfræðinganna er hægt að fá hjá trúnaðarmönnum eða á skrifstofu KÍ.
Lesa meira

11. maí 2009

Laust starf framkvæmdastjóra NLS

Auglýst hefur verið laust til umsóknar starf framkvæmdastjóra Sambands norrænna kennarasamtaka, NLS. Umsóknarfrestur er til og með 7. júní nk. en ráðið er í starfið frá og með 1. janúar 2010.
Lesa meira

11. maí 2009

Ársfundur Lífeyrissjóðs starfsmanna sveitarfélaga 2009

Ársfundur LSS verður haldinn miðvikudaginn 13. maí nk. Fundurinn hefst kl. 10:30 í fundarsal BSRB á 1. hæð að Grettisgötu 89. Allir sjóðfélagar sem og fulltrúar aðildarfélaga BSRB, BHM, KÍ og launagreiðenda eiga rétt til fundarsetu með málfrelsi og tillögurétti og eru þeir hvattir til að mæta. Fundargögn verða afhent á fundarstað fyrir setningu fundarins.
Lesa meira

8. maí 2009

Fyrirlestur um menntun tónlistarkennara og framhaldsmenntun í tónlist

Maria Westvall prófessor við tónlistardeild Örebro Háskóla í Svíþjóð er í heimsókn á Menntavísindasviði í boði Nordplus nets um tónlistarmenntun. Þann 14. maí flytur hún fyrirlestur um menntun tónlistarkennara og framhaldsmenntun í tónlist við Örebro Háskóla. Fyrirlesturinn fer fram í stofu H-201 í húsnæði Menntavísindasviðs við Stakkahlíð og hefst kl. 16.
Lesa meira

8. maí 2009

Deildarfundir - Opnir félagsfundir í öllum svæðadeildum

Haldnir verða opnir félagsfundir í öllum svæðadeildum FL frá 11. maí til 2. júní.
Lesa meira

7. maí 2009

Byggjum réttlátt þjóðfélag

Brot úr 1. maí ávarpi Kennarasambands Íslands, Fulltrúaráðs verkalýðsfélaganna í Reykjavík, BSRB, Bandalags háskólamanna og Sambands íslenskra framhaldsskólanema.
Lesa meira

7. maí 2009

Námsstefna um jafnréttisstarf í skólum 26. maí

Þróunarverkefnið Jafnréttisfræðsla í leik- og grunnskólum boðar til námsstefnu þriðjudaginn 26. maí kl. 13:30 í Salnum í Kópavogi.
Lesa meira

30. apr. 2009

1. maí Reykjavík - ÁFRAM KENNARAR!

Mætum öll í kröfugönguna 1. maí! Safnast verður saman á Hlemmi kl. 13 en gangan leggur af stað kl. 13:30.
Lesa meira

30. apr. 2009

Áfram kennarar!

Félagsmenn KÍ hafa fengið sent bréf frá Kennarasambandinu í tilefni af baráttudeginum 1. maí. Um leið og hvatt er til samstöðu með öðru launafólki krefst Kennarasambandið jafnframt rösklegrar framgöngu stjórnvalda og bestu mögulegu ákvarðana launa og réttinda miðað við erfðiðar aðstæður. Á þenslu- og uppgangsárunum á Íslandi var furðu litlu fé varið til þess að efla menntun og skólastarf. Þetta hefnir sín þegar kreppir að í rekstri hins opinbera. Kennarasambandið þarf bæði að hjálpa til við að finna leiðir út úr vandanum og standa gegn óskynsamlegum niðurskurði fjármuna til skólastarfs og menntunar sem leiðir til vanlíðunar nemenda og stöðnunar í menntun og þekkingu.
Lesa meira

28. apr. 2009

Nám í áfallameðferð

Félagsmenn hafa beðið okkur um að segja frá nýrri námsleið í Færeyjum. Námið veitir þjálfun í n.k. heildrænni, líkamsmiðaðri djúpsálarmeðferð og markmið eru meðal annars að útskrifa fagfólk í áfallahjálp. Leiðtogi námsins er Rigmor Hansen og hér er útdráttur úr námslýsingu hennar (á dönsku). Allar nánari upplýsingar eru á www.difkp.dk.
Lesa meira

28. apr. 2009

Aðalfundur Félags enskukennara 2. maí og sumarnámskeið 10.-12. júní

Aðalfundur félags enskukennara verður haldinn laugardaginn 2. maí nk. á veitingastaðnum GLÓ (Listhúsinu) við Engjateig. Húsið opnar kl. 10 en fundur hefst kl 10:30. Þá verður sumarnámskeiðið “Developing Critical Thinking through Culture” haldið dagana 10.-12. júní nk.
Lesa meira

27. apr. 2009

Gul vinnuumhverfisbóla - Vissir þú að ...

Vinnuumhverfisbóla maímánaðar er gul og fjallar um ágreining á vinnustað.
Lesa meira

27. apr. 2009

Ráðstefna 8. og 9. maí um íslenska þjóðfélagsfræði

Háskólinn á Akureyri stendur fyrir ráðstefnu 8. og 9. maí nk. Á ráðstefnunni verða kynntar fjölbreytilegar rannsóknir á íslensku þjóðfélagi frá sjónarhóli félagsfræði, mannfræði, stjórnmálafræði og skyldra greina. Ráðstefnunni er ætlað að skapa umræðuvettvang þjóðfélagsfræðinga sem starfa í háskólum, framhaldsskólum og við rannsóknir á öðrum vettvangi. Jafnframt mun ráðstefnan gefa nemendum á háskóla- og framhaldsskólastigi kost á því að kynnast og taka þátt í fræðastarfi þjóðfélagsfræðinnar.
Lesa meira

20. apr. 2009

Ný lög um náms- og starfsráðgjafa

Ný lög um náms- og starfsráðgjafa voru samþykkt á Alþingi 30. mars sl.
Lesa meira

20. apr. 2009

Að virða friðarskyldu á gildistíma kjarasamninga

Á sameiginlegum fundi stjórnar og kjararáðs KÍ þann 17. apríl sl. voru til umræðu tilraunir vinnuveitenda til að lækka laun starfsfólks skólanna. Fundarmenn lýstu yfir áhyggjum sínum af því að fólki væri í einhverjum tilfellum stillt upp við vegg og þvingað til að samþykkja lækkun dagvinnulauna. Í þessu sambandi er mikilvægt að hafa í huga að frjálsir samningar um launaskerðingu gegn samsvarandi minnkun vinnuskyldu eru í samræmi við lög og venjur og eru því á ábyrgð hvers launamanns og vinnuveitenda hans. Allar þvingandi aðgerðir af hendi vinnuveitenda sem fela í sér skerðingu á taxtalaunum með því að minnka stöðuhlutfall eða með því að þvinga fólk í launalaust leyfi eru að mati KÍ brot á friðarskyldu og því um lögbrot að ræða.
Lesa meira

15. apr. 2009

Sálfræðiráðgjöf

Kennarasamband Íslands minnir félagsmenn sína á áður auglýsta símaráðgjöf sálfræðinga. Ráðgjöfin verður í boði út maí.
Lesa meira

14. apr. 2009

Kennarahúsið lokað frá kl. 12 í dag 14. apríl

Kennarahúsið verður lokað frá kl. 12 í dag vegna jarðarfarar. Skrifstofan opnar aftur klukkan 9 í fyrramálið.
Lesa meira

14. apr. 2009

LSR og fjármálakreppan - Sjóðfélagafundur

Lífeyrissjóður starfsmanna ríkisins boðar til fundar með sjóðfélögum, miðvikudaginn 15. apríl. Fundurinn verður haldinn á Hilton Reykjavík Nordica hóteli, Suðurlandsbraut 2 og hefst hann kl. 16.30.
Lesa meira

2. apr. 2009

Sigurlína er látin

Elskuleg vinkona okkar og samstarfsfélagi, Sigurlína Kristjánsdóttir, eða Sigurlína á símanum, eins og svo margir félagsmenn þekktu hana, lést aðfararnótt fimmtudagsins 2. apríl. Blessuð sé minning hennar.
Lesa meira

1. apr. 2009

Styrkur eldra fólks á erfiðum tímum

Ráðstefna í Salnum í Kópavogi 3. apríl nk., kl. 13.
Lesa meira

31. mar. 2009

Kynning á framhaldsnámi við Menntavísindasvið Háskóla Íslands

Fimmtudaginn 2. apríl frá kl. 16.00-18.00 munu kennarar og nemendur kynna meistara- og doktorsnám við Menntavísindasvið Háskóla Íslands (fyrrum Kennaraháskóla Íslands) skólaárið 2009-2010. Kynningin fer fram í Skála í húsnæði Menntavísindasviðs við Stakkahlíð.
Lesa meira

30. mar. 2009

Umsókn um styrki úr Menntunarsjóði til blindrakennslu 2009

Umsóknarfrestur er til 15. apríl 2009. Umsóknum ásamt prófskírteinum úr háskólanámi og upplýsingum um starfsferil og upplýsingum um áformað nám, skal skila til Blindrafélagsins Hamrahlíð 17, 105 Reykjavík merktum „Menntunarsjóður til blindrakennslu“.
Lesa meira

27. mar. 2009

Ný vinnuumhverfisbóla - Vissir þú að...?

Vinnuumhverfisbóla aprílmánaðar er rauð og fjallar um siðareglur kennara og hvað þær segja um góðan starfsanda á vinnustað.
Lesa meira

27. mar. 2009

Ráðstefna um íslenska þjóðfélagsfræði 8. og 9. maí

Háskólinn á Akureyri stendur fyrir ráðstefnu 8. og 9. maí nk. Á ráðstefnunni verða kynntar fjölbreytilegar rannsóknir á íslensku þjóðfélagi frá sjónarhóli félagsfræði, mannfræði, stjórnmálafræði og skyldra greina. Ráðstefnunni er ætlað að skapa umræðuvettvang þjóðfélagsfræðinga sem starfa í háskólum, framhaldsskólum og við rannsóknir á öðrum vettvangi. Jafnframt mun ráðstefnan gefa nemendum á háskóla- og framhaldsskólastigi kost á því að kynnast og taka þátt í fræðastarfi þjóðfélagsfræðinnar.
Lesa meira

23. mar. 2009

Námskeið um útiskóla 8.-12. júní

Námskeið um útiskóla verður haldið í Bergen og nágrenni 8.-12. júní.
Lesa meira

19. mar. 2009

Ársþing Samtaka fámennra skóla 9. maí

Ársþing Samtaka fámennra skóla 2009 verður haldið í Stórutjarnaskóla í Þingeyjarsveit laugardaginn 9. maí nk og hefst kl 13:30. Yfirskrift þingsins að þessu sinni er: „Menntun á tímum uppgjörs og endurnýjunar: Samtök fámennra skóla 20 ára.“
Lesa meira

17. mar. 2009

FÉLAGSMENN ATHUGIÐ!

Vegna flutninga má búast við einhverri truflun á símsvörun og annarri starfsemi í Kennarahúsinu frá miðvikudegi til föstudags, þ.á.m. starfsemi sjóða. Öll þjónusta og afgreiðsla færist í samt horf nk. mánudag.
Lesa meira

17. mar. 2009

Ársfundir 12. og 13. mars voru vel sóttir og innihaldsríkir

Þann 12. og 13. mars sl. voru haldnir ársfundir Kennarasambandsins, skólamálaráðs og aðildarfélaga leik-, grunn- og framhaldsskólakennara. Auk hefðbundinna ársfundastarfa voru góðir gestir víða að úr samfélaginu fengnir til að flytja erindi um framkvæmd nýrra menntalaga, kjaramál, lífeyrismál, horfur í skólamálum næstu ár, hinn nýlega starfsendurhæfingarsjóð sem KÍ á aðild að og margt fleira.
Lesa meira

17. mar. 2009

Framhaldsskólakennarar hvetja stjórnvöld til dáða og vænta þess að þau skeri ekki niður í menntakerfinu

Fulltrúafundur Félags framhaldsskólakennara sem haldinn var 12. mars sl. samþykkti ályktun með heitinu: „Stöndum vörð um menntun og skólastarf!“ Þar er meðal annars bent á að niðurskurður bitnar oft þyngst á þeim sem minnst mega sín. Þá er nefnt mikilvægi þess að framhaldsskólar geti opnað dyrnar fyrir öllum þeim sem vilja bæta menntun sína og styrkja hæfni sína og stöðu á vinnumarkaði.
Lesa meira

16. mar. 2009

Kennaramenntun í Nova Scotia

Dr. Jeff Orr, yfirmaður kennaradeildarinnar við St. Francis Xavier University í Nova Scotia í Kanada, heldur fyrirlestur á Menntavísindasviði fimmtudaginn 19. mars næstkomandi.
Lesa meira

16. mar. 2009

Útilegukort, veiðikort og afsláttarávísanir í flugferðir

Orlofssjóður hefur gert samninga um sölu afsláttarávísana við þrjá aðila til viðbótar þeim sem auglýst voru í nýútkomnu Ferðablaði sjóðsins.
Lesa meira

10. mar. 2009

Launamiðar ekki sendir heim

Kennarasamband Íslands hefur ákveðið að senda ekki afrit launamiða heim til félagsmanna. Þetta á við launamiða sjúkrasjóðs og endurmenntunarsjóða aðildarfélaganna. Launamiðar hafa verið sendir rafrænt til skattstjóra og allar upphæðir eru forskráðar á framtöl þeirra sem fengið hafa greiðslur úr sjóðum KÍ.
Lesa meira

10. mar. 2009

Ársfundur Félags grunnskólakennara 12. mars 2009

Sjöundi ársfundur FG verður haldinn fimmtudaginn 12. mars á Hótel Loftleiðum í Reykjavík.
Lesa meira

10. mar. 2009

Fulltrúafundur Félags framhaldsskólakennara 12. mars 2009

Fimmtudaginn 12. mars verður fulltrúafundur FF haldinn í þingsal 1 á Hótel Loftleiðum í Reykjavík. Fulltrúafundurinn stendur frá 9:00 til 15:45.
Lesa meira

10. mar. 2009

Ársfundur Félags leikskólakennara 12. mars 2009

Ársfundur FL verður haldinn 12. mars nk. á Hótel Loftleiðum í Reykjavík. Samkvæmt lögum FL skal boða til ársfundar þau ár sem ekki er aðalfundur. Á ársfundi skal m.a. fjalla um starfsemi félagsins og starfsáætlun auk þess sem reikningar eru lagðir fram.
Lesa meira

6. mar. 2009

Kennarahúsið verður lokað næstkomandi föstudag og mánudag

Félagsmenn athugið! Kennarahúsið verður lokað á föstudag og mánudag, 6. og 9. mars vegna framkvæmda á 1. hæð hússins. Skrifstofan opnar aftur kl. 9, þriðjudaginn 10. mars.
Lesa meira

6. mar. 2009

Kennarar á Kýpur vekja athygli á 8. mars

Samtök tyrknesk-kýpverskra kennara, KTÖS, hafa útbúið veggspjald í tilefni af alþjóðlegum baráttudegi kvenna fyrir friði og jafnrétti þann 8. mars.
Lesa meira

5. mar. 2009

Alþjóðadagur kvenna 8. mars

Kennarasamband Íslands hvetur félagsmenn sem eru staddir á höfuðborgarsvæðinu um helgina til að taka þátt í dagskrá 8. mars.
Lesa meira

4. mar. 2009

Skólaheimsóknir til Kanada

Ferðaskrifstofan Vesturheimur sf skipuleggur heimsóknir í skóla og menningarstofnanir í Manitoba í Kanada.
Lesa meira

27. feb. 2009

Tilkynning frá vinnuumhverfisnefnd KÍ

Vinnuumhverfisnefnd KÍ vill koma nokkrum atriðum á framfæri um vinnuvernd á óvissutímum. Kennarar og stjórnendur skóla verða án efa varir við ýmis vandamál og erfiðleika tengda því ástandi sem nú ríkir í þjóðfélaginu. Rannsóknir hafa sýnt að vinnuvernd og heilsuefling á vinnustöðum hefur áhrif á aðstæður og líðan fólks, einnig á óvissutímum. Þeir vinnustaðir sem sinna vinnuvernd vel og huga þannig að öryggi, heilsu og líðan starfsmanna sinna eru líklegri til að vegna betur þegar efnahagsleg áföll dynja yfir.
Lesa meira

26. feb. 2009

Ferðablað Orlofssjóðs 2009

Ferðablað Orlofssjóðs er komið út.
Lesa meira

24. feb. 2009

Styrkir til rannsókna og þróunarverkefna í grunnskólum skólaárið 2009-2010

Verkefna- og námsstyrkjasjóður Félags grunnskólakennara og Skólastjórafélags Íslands auglýsir styrki til félagsmanna sinna sem vinna að rannsóknum, þróunarverkefnum og nýbreytni í kennsluháttum í grunnskólum skólaárið 2009-2010. Umsóknir sendist til Verkefna- og námsstyrkjasjóðs FG og SÍ, Laufásvegi 81, 101 Reykjavík, í síðasta lagi 1. mars 2009.
Lesa meira

20. feb. 2009

Sumarleiga / endurleiguhús

Sumarið 2009 verða 143 orlofshús/leigueiningar í boði á 102 stöðum víðsvegar um landið. Alls verða 1.500 leiguvikur í boði frá 30. maí til 29. ágúst. Leigunni er skipt í vikuleigu sem er nú í punktastýrðri úthlutun og flakkaraleigu sem hefst 1. maí. Stjórn Orlofssjóðs ákvað að bæta verulega við innlendum orlofstilboðum fyrir árið 2009 og verða 23 fleiri leigustaðir í boði nú í sumar en í fyrra.
Lesa meira

19. feb. 2009

Atvinnuleysi og aðild að Kennarasambandinu

Hægt er að óska eftir því að halda áfram að greiða til KÍ á atvinnuleysisbótum og mælir KÍ með að félagsmenn geri það. Umsækjandinn þarf að merkja í þar tilgerðan reit á umsóknareyðublaði um atvinnuleysisbætur og þá sér Vinnumálastofnun um að koma greiðslunni til KÍ. Með því að óska eftir því heldur félagsmaður helstu réttindum sínum hjá stéttarfélaginu og aðgangi að þjónustu þess.Ef félagsmaður ákveður hins vegar að greiða ekki félagsgjöldin glatast ýmis réttindi.
Lesa meira

19. feb. 2009

Ráðstefna um heimspeki í skólum - Thinking aloud

Ráðstefna um heimspeki í skólum verður haldin við Háskóla Íslands 27. og 28. febrúar. Dagana á undan, 25. og 26. febrúar, verður vinnusmiðja um sama efni. Vinnusmiðjan hefst kl. 15 báða dagana og stendur til 18 fyrri daginn og 19 seinni daginn. Það er von ráðstefnuhaldara að tímasetningin geri sem flestum kennurum í leik-, grunn- og framhaldsskólum kleift að sækja vinnusmiðjuna.
Lesa meira

17. feb. 2009

Danskir grunnskólakennarar fá hærri laun og hafa minni kennsluskyldu en norræn starfssystkini og þeir íslensku eru lægst launaðir

Þetta kemur meðal annars fram í nýútgefinni skýrslu frá Norrænu ráðherranefndinni. Í frétt í Jyllandsposten í dag skrifar blaðamaðurinn Lise Brix um skýrsluna og kaup og kjör danskra grunnskólakennara. „Danskir kennarar þéna mest og vinna minnst“ er titill fréttarinnar. Fram kemur að þeir kenni „fæstu tímana á bestu laununum“ ef borið er saman við norræn starfssystkini, en engu að síður sé „kennarastarfið óvinsælt í Danmörku.“
Lesa meira

17. feb. 2009

Einelti, forvarnir og viðbrögð - hádegisfyrirlestur Rannsóknastofu í vinnuvernd

Föstudaginn 20. febrúar stendur Rannsóknastofa í vinnuvernd fyrir hádegisfyrirlestri í Odda, Háskóla Íslands, stofu 201 á milli 12 og 13. Fyrirlesari er Guðmundur Ingi Kjerúlf, verkefnisstjóri hjá fræðsludeild Vinnueftirlitsins.
Lesa meira

16. feb. 2009

Hring eftir hring - nýtt kennsluefni í tónlist og hreyfingu fyrir 4-6 ára leikskólabörn

Til þess að veita innsýn í kennsluefnið býður höfundur upp á þriggja klukkustunda námskeið sem ætti að gefa glögga hugmynd um hvernig nýta má efnið til þess að setja saman fjölbreyttar tónlistar- og hreyfi stundir.
Lesa meira

11. feb. 2009

Skóli án aðgreiningar: Erum við á réttri leið í völundarhúsinu?

Rannsóknarstofa um skóla án aðgreiningar (RSÁA), í samvinnu við Menntavísindasvið Háskóla Íslands og menntaráð Reykjavíkurborgar, býður til samræðu um skólastefnuna skóli án aðgreiningar fimmtudaginn 12. febrúar næstkomandi kl. 13.15–17.00 í fyrirlestrarsalnum Skriðu í húsnæði Menntavísindasviðs Háskóla Íslands.
Lesa meira

9. feb. 2009

Ársfundur FT - Lögverndun á starfsheiti tónlistarskólakennara?

Ársfundur Félags tónlistarskólakennara verður haldinn laugardaginn 14. febrúar 2009 frá kl. 13.00-15.00 á Grand Hótel Reykjavík, Sigtúni 38, Reykjavík.
Lesa meira

9. feb. 2009

Að læra með stæl

Á verkstæði þann 26. febrúar nk. mun Helle Fisker kynna fyrir grunnskólakennurum hvernig svara má ólíkum námsstílum (learning styles) með því að skapa námsumhverfi sem kemur til móts við fjölbreyttar þarfir nemenda. Verkstæðið er á vegum SRR í samstarfi við Snælandsskóla.
Lesa meira

9. feb. 2009

Aukin aðsókn í náms- og starfsráðgjöf - FNS ályktar um stöðu mála og skorar á stjórnvöld

Félag náms- og starfsráðgjafa hefur sent frá sér ályktun þar sem félagsmenn lýsa yfir áhyggjum af stöðu efnahags- og atvinnumála. Brýnt sé að efla faglega ráðgjöf og styðja börn og ungmenni í náms- og starfsvali og einnig sé það sjálfsagt réttindamál að allir sem missa atvinnuna eigi aðgang að slíkri ráðgjöf. Félagsmenn FNS hafa að undanförnu fundið fyrir aukinni aðsókn í þá tegund ráðgjafar sem þeir veita og skora á stjórnvöld að gera allt sem þau geta til að tryggja góðan aðbúnað barna og ungmenna og grípa til enn frekari aðgerða til að koma í veg fyrir vaxandi atvinnuleysi.
Lesa meira

6. feb. 2009

Eðlisfræðibúðir í sumar fyrir litla og stóra Einsteina - allt frítt

Perimeter stofnunin í Ontario í Kanada býður nemendum sem hyggja á háskólanám í eðlisfræði að sækja um þátttöku í tveggja vikna alþjóðlegum sumarbúðum um kennilega eðlisfræði samtímans. Þá er eðlisfræðikennurum boðin þátttaka í einnar viku vinnustofu.
Lesa meira

6. feb. 2009

Dagurinn í dag er merkilegur – góðan dag!

Dagur leikskólans er í dag, 6. febrúar, og er nú haldinn hátíðlegur í annað sinn. Félag leikskólakennara, í samvinnu við menntamálaráðuneyti, Samband íslenskra sveitarfélag og Heimili og skóla kom deginum á laggirnar í fyrra undir yfirskriftinni „Við bjóðum góðan dag – alla daga“. Markmiðið með deginum er að vekja jákvæða umræðu og athygli á því fjölbreytta starfi sem unnið er í leikskólum. Það er bæði gaman og gagnlegt að nema og kenna í leikskólum eins og Björg Bjarnadóttir formaður Félags leikskólakennara og Ingibjörg Kristleifsdóttir varaformaður benda á í grein sem þær hafa skrifað í tilefni dagsins.
Lesa meira

5. feb. 2009

Lífshlaupið 2009

Í gær, 4. febrúar 2009, hófst „Lífshlaupið“ í annað sinn á vegum Íþrótta- og Ólympíusamband Íslands, ÍSÍ. Lífshlaupið mun fara fram dagana 4. – 24. febrúar en markmið verkefnisins er að hvetja landsmenn til daglegrar hreyfingar. Nánari upplýsingar um Lífshlaupið má finna á vefsíðunni www.lifshlaupid.is en meðal annars er hægt að taka þátt í vinnustaðakeppni og hægt er að skrá lið inn allt til síðasta dags.
Lesa meira

5. feb. 2009

Leikskólar í Kópavogi gera sér dagamun á morgun

Leikskólar um allt land halda Dag leikskólans hátíðlegan á morgun. Í Kópavogi er yfirskrift dagsins að „varpa ljósi á barnið í leikskólanum“. Fjölbreytt dagskrá leikskóla í Kópavogi inniheldur meðal annars ljósagjörning, kertafleytingu og fjársjóðsleit með vasaljós.
Lesa meira

5. feb. 2009

Nýlegar meistaraprófsritgerðir í stærðfræði kynntar

Á Degi stærðfræðinnar 6. febrúar verða nýlegar meistaraprófsritgerðir í stærðfræði kynntar á málþingi í húsnæði menntavísindasviðs HÍ við Stakkahlíð í Reykjavík. Málþingið er frá kl. 13.30 – 16.30 í stofu H 207.
Lesa meira

5. feb. 2009

Dagur stærðfræðinnar 2009, þrautasamkeppni og verkefnabanki

Dagur stærðfræðinnar er haldinn fyrsta föstudag í febrúar ár hvert. Í ár ber dag stærðfræðinnar upp föstudaginn 6. febrúar og er þema dagsins að þessu sinni þríhyrningar.
Lesa meira

5. feb. 2009

Málþing um stærðfræðimenntun í dag klukkan fjögur

Íslenska stærðfræðafélagið, Flötur samtök stærðfræðikennara og Félag raungreinakennara boða til málþings um ný skólalög og stærðfræðimenntun fimmtudaginn 5. febrúar kl. 16.00 í stofu HT-105 í Háskólatorgi, í kjallaranum undir Háskólamatstofunni. Tilgangur málþingsins er að kynna ný lög um grunn-, framhalds- og háskóla sem tóku gildi á síðasta ári og ræða hvernig stærðfræðinni muni vegna í þessu nýja lagaumhverfi.
Lesa meira

4. feb. 2009

Fundarboð vegna fulltrúafundar FF 12. mars nk.

Fundurinn verður haldinn fimmtudaginn 12. mars nk. á hótel Loftleiðum, Reykjavík. Fundurinn hefst kl. 9:00 og stendur allan daginn.
Lesa meira

3. feb. 2009

Fræðslunámskeið Félags framhaldsskólakennara fyrir trúnaðarmenn í framhaldsskólum 13. febrúar nk.

Félag framhaldsskólakennara, FF, heldur fræðslunámskeið fyrir trúnaðarmenn í framhaldsskólum föstudaginn 13. febrúar nk. í Hvammi á Grand hóteli, Reykjavík.
Lesa meira

3. feb. 2009

Mannréttindi í grunn- og framhaldsskólum

Þann 10. desember sl. varð mannréttindayfirlýsing Sameinuðu þjóðanna sextíu ára. Á grundvelli yfirlýsingarinnar hafa þjóðir heims fullgilt mannréttindasamninga sem hafa verið fyrirmynd mannréttindaákvæða í stjórnarskrám ríkjanna. Ísland er eitt þeirra ríkja. Í tilefni af þessum tímamótum og til að styrkja mannréttindastarf í skólum hefur menntamálaráðuneytið gefið út skýrsluna Mannréttindafræðsla á Íslandi - tillögur um mannréttindafræðslu í grunn- og framhaldsskólum. Í skýrslunni er lagt er til að hver skóli geri framkvæmdaáætlun í mannréttindafræðslu.
Lesa meira

2. feb. 2009

Kennari og skólastjóri til valda í nýrri ríkisstjórn

Guðbjartur Hannesson fyrrverandi skólastjóri í Grundaskóla á Akranesi og þingmaður Samfylkingar frá 2007 verður forseti Alþingis í nýrri ríkisstjórn. Þá hefur nýr menntamálaráðherra, Katrín Jakobsdóttir, verið stundakennari við Háskóla Íslands auk þess að kenna við Endurmenntun sömu stofnunar, símenntunarmiðstöðvar og Mími tómstundaskóla.
Lesa meira

2. feb. 2009

Dagur leikskólans haldinn hátíðlegur í annað sinn

Dagur leikskólans er 6. febrúar en þann dag árið 1950 stofnuðu frumkvöðlar leikskólakennara á Íslandi fyrstu samtök sín. Leikskólar um allt land halda daginn hátíðlegan með ýmsum hætti og í samvinnu kennara, foreldra, nemenda og skólayfirvalda.
Lesa meira

28. jan. 2009

Kennarinn og kreppan - fundir í þessari viku

Í fundaröð Kennarasambandsins „Kennarinn og kreppan – hlutverk stéttarfélaga á niðurskurðartímum verða fundir í Hafnarfirði og Reykjanesbæ í dag en á morgun, 29. janúar, verður fundur á Sauðárkróki. Fundirnir eru fyrir félagsmenn í öllum aðildarfélögum KÍ og eru mjög gagnlegir.
Lesa meira

23. jan. 2009

Ríkisstjórnin hefur aldrei komið að borðinu og forsendur eru brostnar

Að mati Kennarasambandsins eru forsendur samstöðu um kjaramál brostnar vegna þess að ríkisstjórn hefur ekki komið að samráði samtaka launamanna og vinnuveitenda. Hins vegar leggur KÍ áherslu á að samstaða launamanna haldi áfram – sjá nánar í ályktun hér að neðan sem samþykkt var af stjórn KÍ og kjararáði sambandsins í gær:
Lesa meira

22. jan. 2009

Netútsending frá fundinum í dag, slóðin er mms://straumur.khi.is/sjonvarp

Félagsmenn! Mætið á fundina í fundaröðinni „Kennarinn og kreppan“ sem nú stendur yfir. Næsti fundur er í Skriðu, húsi KHÍ við Stakkahlíð í Reykjavík í dag kl. 17:15. Vakin er sérstök athygli á að hægt verður að fylgjast með fundinum í Skriðu fimmtudaginn 22. janúar kl. 17:15 í gegnum netið á slóðinni mms://straumur.khi.is/sjonvarp.
Lesa meira

22. jan. 2009

GLÆRUR frá fundaröð KÍ „Kennarinn og kreppan“

Frummælendur á janúarfundum Kennarasambandsins hafa tekið saman talsvert efni á glærum.
Lesa meira

22. jan. 2009

Fyrirlestrarröð Rannsóknastofu í vinnuvernd

Rannsóknastofa í vinnuvernd stendur fyrir fyrirlestrum á tveggja vikna fresti á haust- og vormisseri. Fyrirlestrar vorannar verða í Háskóla Íslands, Odda, stofu 201, kl. 12.00 - 13.00. Fyrsti fyrirlesturinn er 23. janúar nk. en þá fjallar Karl Sigurðsson forstöðumaður vinnumálasviðs hjá Vinnumálastofnun um stöðu og horfur á vinnumarkaðnum.
Lesa meira

21. jan. 2009

Kennarinn og kreppan - fundur á Egilsstöðum í dag og í Reykjavík og á Selfossi á morgun

Fundurinn í Reykjavík verður í Skriðu í KHÍ en hann verður einnig sendur út í gegnum netið.
Lesa meira

19. jan. 2009

Kennarinn og kreppan - fundir í þessari viku

Félagsmenn KÍ! Í þessari viku verða fundir á Egilsstöðum, í Reykjavík og á Selfossi í fundaröð Kennarasambandsins „Kennarinn og kreppan – hlutverk stéttarfélaga á niðurskurðartímum. Fundirnir eru fyrir félagsmenn í öllum aðildarfélögum KÍ og eru mjög gagnlegir.
Lesa meira

16. jan. 2009

Námskeið um gerð umsókna um yfirfærsluverkefni innan Leonardó starfsmenntaáætlunar ESB

Mánudaginn 19. janúar nk. verður haldið námskeið um gerð umsókna um yfirfærsluverkefni innan Leonardó starfsmenntaáætlunar ESB. Umsóknarfrestur vegna yfirfærsluverkefna er til 27. febrúar 2009.
Lesa meira

15. jan. 2009

Kennarinn og kreppan

HLUTVERK STÉTTARFÉLAGA Á NIÐURSKURÐARTÍMUM - FUNDARÖÐ KÍ Í JANÚAR 2009. Félagsmenn KÍ! Mætið á fundina, fáið gagnlegar upplýsingar og takið þátt í mótunarstarfi í ykkar stéttarfélagi.
Lesa meira

15. jan. 2009

Fundur á Akureyri í dag og á Egilsstöðum, Reykjavík og Selfossi í næstu viku

Upplýsinga- og umræðufundum KÍ er fram haldið síðdegis í dag en þá er fundað á Akureyri. Kennarar, námsráðgjafar og stjórnendur í leikskólum, grunnskólum, framhaldsskólum og tónlistarskólum á Norðurlandi, sem og aðrir félagsmenn KÍ, eru eindregið hvattir til að mæta í Brekkuskóla kl. 17:15. Þetta eru innihaldsríkir fundir um málefni sem koma öllum félagsmönnum Kennarasambandsins við.
Lesa meira

14. jan. 2009

Fundur á Ísafirði í dag og annar á Akureyri á morgun

Kennarar, námsráðgjafar og stjórnendur í leikskólum, grunnskólum, framhaldsskólum og tónlistarskólum, sem og aðrir félagsmenn KÍ, eru hvattir til að mæta á janúarfundi Kennarasambandsins um hlutverk KÍ í kreppuástandi, um kreppuna sjálfa og tilurð hennar og um hugsanlegar afleiðingar fyrir félagsmenn. Þetta eru innihaldsríkir uppýsinga- og umræðufundir um málefni sem koma öllum félagsmönnum við. Í dag er fundað í Grunnskóla Ísafjarðar kl. 17:15 og á morgun í Brekkuskóla á Akureyri kl. 17:15.
Lesa meira

14. jan. 2009

Fyrstu fundir í janúarfundaröð Kennarasambandsins voru í gær í Reykjavík og Borgarnesi

„Launataxtar kennara og skólastjórnenda eru mikilvæg réttindi eins og kemur berlega í ljós í núverandi ástandi. Félagsmenn í stéttarfélögum þar sem taxtar voru mjög lágir og áhersla lögð á einstaklingssamninga líða fyrir það í kreppunni. Auðvelt er að lækka laun hjá einstaklingi sem er til dæmis með taxtalaun upp á 200 þúsund en hefur samið einstaklingslega um 400 þúsund krónur. Þetta er ekki hægt hjá félagsmönnum Kennarasambandsins.“ Þetta kom meðal annars fram í máli Eiríks Jónssonar formanns KÍ á fyrsta fundinum í fundaröð Kennarasambandsins „Kennarinn og kreppan – hlutverk stéttarfélaga á niðurskurðartímum“ sem haldinn var í Skriðu v/Stakkahlíð í Reykjavík í gær.
Lesa meira

13. jan. 2009

Fyrstu tveir fundirnir eru í dag - mætum öll!

Fyrstu fundirnir í fundaröð KÍ, Kennarinn og kreppan - hlutverk stéttarfélaga á niðurskurðartímum, verða haldnir í dag. Kl. 17:15 hefst fundur í Skriðu v/Stakkahlíð í Reykjavík og kl. 20:00 hefst fundur í Menntaskóla Borgarfjarðar að Borgarbraut 54, Borgarnesi. Mætum öll!
Lesa meira

12. jan. 2009

Jafnréttisþing 16. janúar 2009

Félags- og tryggingamálaráðuneytið og Jafnréttisráð boða til jafnréttisþings 16. janúar nk. að Hótel Nordica. Meðal annars verður fjallað um jafnréttisstarf í skólum á þinginu. Boðun þingsins er í samræmi við nýsamþykkt lög um jafna stöðu og jafnan rétt kvenna og karla.
Lesa meira

7. jan. 2009

„Skóli“ látinn víkja í Yorkshire

Splunkunýr skóli í Sheffield í Yorkshire, þar sem skólastarf hófst í fyrradag, verður ekki titlaður skóli heldur staður til að læra (a place for learning). Þingmaður Mið-Sheffield, Richard Caborn, gagnrýnir breytt orðalag og spyr hver ástæðan sé fyrir því að aðstandendur Watercliffe Meadow skólans velji að undanskilja skólahugtakið. Hann segir jafnframt að málið hafi ekki verið rætt sem skyldi. Að sögn Lindu Kingdon skólastjóra er orðið skóli neikvætt í huga margra foreldra og nemenda. Hinn nýi lærdómsstaður á að vera „staður fyrir fjölskylduna til að læra, þangað sem allir geta komið“, segir Linda.
Lesa meira