Kjararáð Kennarasambands Íslands

Um kjararáð er fjallað í 28. grein laga KÍ. Þar segir:

Kjararáð er skipað fulltrúum úr samninganefndum aðildarfélaga Kennarasambandsins og stjórn sambandsins og tveimur fulltrúum frá Félagi kennara á eftirlaunum. Hvert félag leggur til tvo fulltrúa í ráðið. Formaður / varaformaður KÍ er formaður kjararáðs.

Hlutverk kjararáðs er:

1. Að vera sameiginlegur vettvangur aðildarfélaga KÍ til að fjalla um stefnumörkun í kjarasamningum þeirra og til þess að styrkja tengsl milli félaga á kjarasviðinu.
2. Að fjalla um og framfylgja stefnu KÍ í kjara- og réttindamálum sem varða alla félagsmenn KÍ eða sem aðildarfélög sambandsins hafa falið Kjararáði að fara með fyrir sína hönd.
3. Að fylgjast með efnahags- og kjaramálum, afla gagna og sjá um að þau séu aðgengileg félögum KÍ á hverjum tíma.
4. Að afla upplýsinga um kjarasamninga annarra stéttarfélaga jafnt hjá hinu opinbera sem á almennum markaði og miðla upplýsingum um þá til félaga KÍ.
5. Að undirbúa í samráði við stjórn KÍ kjaramálaráðstefnu, fræðslufund eða námskeið um kjara- og samningamál eftir því sem við á hverjum tíma.

Allur kostnaður vegna Kjararáðs KÍ greiðist af Kennarasambandi Íslands.