Vísindasjóður Félags leikskólakennara og Félags stjórnenda leikskóla

Markmið Vísindasjóðs FL og FSL er að trygga fjárhagslegan grundvöll sí- og endurmenntunar fyrir leikskólakennara í tengslum við störf þeirra. Vísindasjóður leikskólakennara starfar í þremur deildum eftir samþykkt sem sjóðsstjórn setur. Nánari upplýsingar um Vísindasjóð fást hjá fulltrúum sjóðsins, Sigrúnu Harðardóttur, netfang: sh hjá ki.is, eða Maríu Norðdahl, netfang: maria hjá ki.is, í síma: 595 1111 á milli 09:00-16:00.

Sótt er um styrki á Mínum síðum.

Deildir sjóðsins eru: A-deild: Almennir styrkir og styrkir til kynnisferða hópa. B-deild: Styrkir til framhaldsnáms. C-deild: Þróunarstyrkir og styrkir til námskeiðs- og ráðstefnuhalds.   Spurt og svarað um endurmenntun (leikskólar). Sjóðsstjórn heldur fundi að jafnaði fyrsta miðvikudag annan hvern mánuð. Sjóðstjórn er samkvæmt reglum sjóðsins heimilt að fella niður fundi í tvo mánuði að sumarlagi. Fundir eru fyrsta miðvikudag í febrúar, apríl, júní, september, október og desember. Umsóknarfrestur rennur út viku fyrir fasta fundardaga.

Athugið:

• að allir styrkir eru greiddir út í einu lagi (einni greiðslu),
• að aðeins er hægt að sækja um í einum flokki fyrir hverri ferð, ráðstefnu eða námskeiði,
• að greiðsluseðlar sem berast sem kvittanir verða að vera stimplaðir frá banka,
• að kvittanir mega ekki vera eldri en 6 mánaða.

Umsóknir í Vísindasjóð FL og FSL sem að jafnaði þurfa ekki að fara fyrir fund:

• Handavinnunámskeið.
• Myndlistarnámskeið.
• Námskeið og ráðstefnur sem tengjast kennslu í leikskólum.
• Tónlistarnámskeið.
• Tungumálanámskeið.
• Tölvunámskeið.