Kennarasamband Íslands

16. mar. 2007

Forsetahjónin heimsækja Ártúnsskóla

Ártúnsskóli fékk sem kunnugt er Íslensku menntaverðlaunin árið 2006 og þann 12. mars síðastliðinn sóttu forsetahjónin skólann heim þar sem nemendur tóku vel á móti þeim, fluttu fyrir þau tónlist og kynntu þeim skólastarfið.

Ártúnsskóli er þekktur fyrir að leggja sérstaka rækt við lífsleikni og jákvæð gildi. Í umsögn dómnefndar Íslensku menntaverðlaunanna um Ártúnsskóla sagði m.a.: Markvisst er leitast við að efla skilning nemenda á mikilvægi heiðarleika, kærleika, samstöðu, samvinnu, umburðarlyndis, vináttu og virðingar og hefur starfsfólk skólans samið námsefni sem notað er í þessu skyni. Tengsl við grenndarsamfélagið hafa verið einn af hornsteinum skólastarfsins. Vettvangsferðir og umhverfismennt er fastur liður í starfinu. Skólinn er staðsettur í nágrenni við Elliðaárdalinn, Árbæjarsafn og Skólagarða Reykjavíkur og hefur nábýlið verið nýtt á fjölbreyttan hátt í skólastarfinu svo til fyrirmyndar er.

Sjá greinargerð dómnefndar hér.