Kennarasamband Íslands

19. jan. 2010

Nýjar úthlutunarreglur

Það er gaman að geta fært góðar fréttir af Sjúkrasjóði KÍ. Nýjar úthlutunarreglur tóku gildi 1. janúar 2010 og hafa margir flokkar verið hækkaðir og ýmislegt verið fært til betri vegar og hagsbóta fyrir félagsmenn. Viljum við sérstaklega benda á styrki vegna kaupa á gleraugum en þar hefur verið gerð sú breyting að bæði sjóngler og umgjarðir eru styrkhæf og kemur það án efa umsækjendum til góða. Úthlutunarreglurnar eru komnar á heimasíðu Kennarasambandsins og viljum við hvetja kennara til að kynna sér breytingarnar vel. Sjúkrasjóður er mikilvægur fyrir félagsmenn og nauðsynlegt að allir viti af honum, ef og þegar fólk þarf á honum að halda.

Með kveðju,

María og Sigrún,
fulltrúar sjóða KÍ