Kennarasamband Íslands

16. mar. 2011

Kynning á framhaldsnámi við Menntavísindasvið

Fimmtudaginn 24. mars kl. 16:00 til 18:00 verður kynning á framhaldsnámi við Menntavísindasvið í Fjöru, húsnæði Menntavísindasviðs Háskóla Íslands við Stakkahlíð. Kennarar og nemendur taka á móti gestum og kynna fjölbreytt framhaldsnám í þremur deildum Menntavísindasviðs:

• Kennaradeild
• Uppeldis- og menntunarfræðideild
• Íþrótta-, tómstunda- og þroskaþjálfadeild

Í Kennaradeild er í boði meistaranám á brautunum Náms- og kennslufræði og Kennslufræði framhaldsskóla og háskóla. Í Náms- og kennslufræði geta nemendur sérhæft sig með því að velja eitt af eftirfarandi kjörsviðum:

• Íslenska - íslenskukennsla.
• Kennsla erlendra tungumála.
• Kennslufræði og skólastarf.
• Listmenntun - listasaga - verkmenntun.
• Mál og læsi.
• Menntunar- og kennslufræði yngri barna.
• Náttúrufræðimenntun.
• Stærðfræðimenntun.
• Upplýsingatækni og miðlun.

Vakin er sérstök athygli á námskeiðum í starfstengdri, faglegri leiðsögn.

Í Íþrótta-, tómstunda- og þroskaþjálfadeild býðst meistaranám í íþrótta- og heilsufræði MS og M.Ed, tómstunda- og félagsmálafræði M.Ed. og þroskaþjálfafræði MA.

Í Uppeldis- og menntunarfræðideild er í boði fjölbreytt og spennandi meistaranám á fimm námsbrautum og innan þeirra eru fjölmargar námsleiðir.

Námsbrautir:

• Menntunarfræði.
• Menntastjórnun og matsfræði.
• Nám fullorðinna.
• Sérkennslufræði.
• Sálfræði í uppeldis- og menntavísindum.

Bæklingur um meistaranám.

Allir velkomnir. Umsóknarfrestur um framhaldsnám er til 15. apríl. Sótt er um nám á www.hi.is.