Kennarasamband Íslands

14. sep. 2012

HringÞing um menntamál innflytjenda í leikskólum, grunnskólum, framhaldsskólum, háskólum og fullorðinsfræðslu

Mennta- og menningarmálaráðuneytið vill vekja athygli á HringÞingi um menntamál innflytjenda, sem haldið verður föstudaginn 14. september 2012 í Rúgbrauðsgerðinni í Reykjavík. Nánari upplýsingar má finna hér: http://www.tungumalatorg.is/hringthing. Á þinginu gefst kostur á að kynna fyrirmyndarverkefni er tengjast menntamálum innflytjenda á öllum skólastigum. Ráðuneytið hvetur þá sem unnið hafa áhugaverð verkefni til þátttöku. Skráning er á: http://tungumalatorg.is/hringthing/kynningarplass/.

Markmiðið með þinginu er að:

• Skapa samræðuvettvang þeirra sem koma að menntamálum innflytjenda.
• Draga fram stöðuna í menntamálum innflytjenda á öllum skólastigum.
• Kalla eftir forgangsröðun verkefna í þróun menntunar innflytjenda.
• Fá kynningar á fyrirmyndarverkefnum í námi og kennslu innflytjenda á öllum skólastigum.
• Greina forgangsverkefni fyrir væntanlega framkvæmdaáætlun ríkis og sveitarfélaga.

Þátttakendur á þinginu verða fulltrúar innflytjenda, kennarar, stjórnendur og aðrir sem tengjast á einhvern hátt leik-, grunn-, framhalds- og háskólastigi og fullorðinsfræðslu. Einnig stjórnendur og stefnumótandi aðilar hjá ríki og sveitarfélögum sem vinna að mótun og framkvæmd stefnu á ýmsum sviðum menntunar innflytjenda.

HringÞingið er þátttakendum að kostnaðarlausu og öllum opið. Skólafólk, foreldrar, nemendur og aðrir áhugasamir eru hvattir til að skrá sig sem fyrst því fjöldi er takmarkaður.

Nánari upplýsingar um þingið, skráningu o.fl. er að finna hér.

Að HringÞinginu standa Innflytjendaráð, velferðarráðuneytið, mennta- og menningarmálaráðuneytið, Þjónustumiðstöð Miðborgar og Hliða, Skóla- og frístundasvið Reykjavíkurborgar, Fjölmenningarsetur, Tungumálatorg, Háskóli Íslands, Þjónustumiðstöð Breiðholts og Samband íslenskra sveitarfélaga.