2007
Menntastefna morgundagsins
Ársfundur skólamálaráðs KÍ og ársfundarfulltrúa
Ársfundur skólamálaráðs KÍ var haldinn í beinu framhaldi af ársfundi Kennarasambandsins, eftir hádegi þann 27. apríl. Fundurinn var sameiginlegur með fulltrúum á ársfundi KÍ. Fyrir fundinum lágu gögn og upplýsingar um starfsáætlun skólamálaráðs og starfsemi ráðsins og skólamálanefnda aðildarfélaga, sjá hér.
Fundurinn tók til umfjöllunar tillögur starfshópa um 10 punkta samkomulagið undir yfirskriftinni Menntastefna morgundagsins. Haldin voru erindi um tillögur starfshópa um nám og námsskipan, um fjar- og dreifnám, náms- og starfsráðgjöf, um breytingar á lögum um lögverndun og lengingu kennaramenntunar og um endurskoðun á lögum um leik-, grunn- og framhaldsskóla. Starfshópar um lagabreytingar hafa ekki skilað lokatillögum og frumvörp hafa ekki verið flutt um málin.
Fundargerð ársfundar skólamálaráðs.
Erindi:
1. Lögverndun og kennaramenntun
- Sigurjón Mýrdal: Hvers vegna lengri kennaramenntun, hvernig breytingar viljum við sjá?
- Björg Bjarnadóttir: Hverju breytir lögverndun á starfsheiti og starfsréttindum fyrir leikkólakennara?
2. Fjar- og dreifnám, náms- og starfsráðgjöf
- Aðalheiður Steingrímsdóttir: Hverjar eru helstu umbótatillögur starfshóps um fjar- og dreifnám?
- Sigríður Bílddal: Hvaða breytingar leggur starfshópur um náms- og starfsráðgjöf til?
3. Tillögur í lokaskýrslum nefnda um nám og námsskipan
Undir þessum lið verða ræddar tillögur starfshóps um málefni nemenda á almennri námsbraut, tillögur starfsnámsnefndar, og tillögur starfshóps um sveigjanleika og fjölbreytni í skipulagi náms og námsframboðs.
- Kristín Jónsdóttir: Hver taldi starfshópur um almenna námsbraut helstu vandamál varðandi nám nemenda sem skv. gildandi framhaldsskólalögum er beint í nám á almennum námsbrautum og hvaða tillögur gerði hún til úrbóta?
- Margrét Friðriksdóttir: Hvar standa tillögur starfsnámsnefndar í dag og hvernig hafa þær verið teknar upp í tillögur og lokaskýrslu starfshóps um sveigjanleika og fjölbreytni í námi?
- Aðalheiður Steingrímsdóttir og Ólafur Loftsson: Hverjar eru megintillögur starfshóps um sveigjanleika og fjölbreytni s.s. um aðstöðu nemenda til að stunda nám, aðgengi þeirra að námi, jafnrétti til náms og réttindum til að stunda nám við hæfi, um nám og námslok á unglingastigi grunnskóla, um nám á mörkum skólastiga, um nám og námslok í framhaldsskóla og um ákvarðanir um innra starf framhaldsskóla?