is / en / dk

24. Nóvember 2014

Kennarar í Verkmenntaskólanum á Akureyri mótmæla harðlega áformum ríkisstjórnar og menntamálaráðherra um að skerða aðgang nemenda eldri en 25 ára að bóknámi í framhaldsskólum. Þetta kemur fram í bókun sem samþykkt var á kennarafélagsfundi í skólanum 21. nóvember síðastliðinn. Þar segir einnig:

Í fjárlagafrumvarpi fyrir árið 2015 er nú gert ráð fyrir því að fækka ársnemendum í framhaldsskólum um tæplega eitt þúsund, m.a. með því að meina eldri nemendum um aðgang að skólunum.

Menntun er mikilvæg leið að bættum hag og betri líðan einstaklinga á öllum aldri og fjárfesting í menntun, hvort sem nemandinn er tvítugur eða þrítugur, skilar sér margfalt til baka til samfélagsins. Kennarar skora því á menntamálaráðherra að draga þessar tillögur sínar þegar í stað til baka og hvetja Alþingi til að sjá til þess að frelsi allra Íslendinga til náms verði tryggt.

 

Tengt efni