is / en / dk

03. Nóvember 2017

Um 18,5% félagsmanna Kennarasambands Íslands höfðu greitt atkvæði klukkan tólf í dag í yfirstandandi kosningu um formann sambandsins. Atkvæðagreiðslan hófst klukkan 9:00 miðvikudaginn 1. nóvember og stendur til klukkan 14:00 þriðjudaginn 7. nóvember.

Frambjóðendur til formanns eru Guðríður Arnardóttir, formaður Félags framhaldsskólakennara, Ólafur Loftsson, formaður Félags grunnskólakennara, og Ragnar Þór Pétursson, grunnskólakennari í Norðlingaskóla. Kynning á frambjóðendum er hér.

Atkvæðagreiðslan fer fram á Mínum síðum á www.ki.is. Hægt er að greiða atkvæði í hvaða nettengdri tölvu sem er. Kjósendur þurfa að skrá sig inn á Mínar síður með Íslykli eða Rafrænum skilríkjum. Þeir sem ekki eru komnir með Íslykil geta pantað hann með því að smella á hnappinn Mig vantar Íslykil sem er á innskráningarsíðunni.

Þegar komið er inn á Mínar síður sést kosningin. Smelltu á Atkvæðagreiðsla um formann KÍ og þá birtist atkvæðaseðillinn.

Merktu við þann frambjóðanda sem þú vilt kjósa sem formann KÍ.

Smelltu að lokum á flipann Kjósa og þá birtist eftirfarandi texti til að staðfesta að atkvæði hafi verið greitt: Atkvæði þitt hefur verið móttekið.

Ef þú vill fresta því að greiða atkvæði skaltu smella á: Hætta við kosningu.

Nánari upplýsingar um atkvæðagreiðsluna eru veittar á skrifstofu KÍ en starfsmaður kjörstjórnar er Fjóla Ósk Gunnarsdóttir, netfang: fjola@ki.is sími: 595 1111.

 

Tengt efni