is / en / dk

20. September 2019

Alls höfðu 22% kosið í formannskjöri Félags framhaldsskólakennara klukkan 10 í morgun. Atkvæðagreiðslan hófst á hádegi á þriðjudag og henni lýkur klukkan 14 á mánudag, 23. september. 

Tveir eru í framboði til formanns; Guðjón Hreinn Hauksson, starfandi formaður FF og framhaldsskólakennari í Menntaskólanum á Akureyri, og Gunnar Hólmsteinn Ársælsson, framhaldsskólakennari í Fjölbrautaskólanum í Garðabæ. 

Kjörstjórn hvetur félagsfólk í FF til að taka þátt í kosningunni. 

Kynning á frambjóðendum. 

 

Um atkvæðagreiðsluna

Atkvæðagreiðslan fer fram á Mínum síðum á www.ki.is Hægt er að greiða atkvæði í hvaða nettengdri tölvu sem er. Kjósendur þurfa að skrá sig inn á Mínar síður með Íslykli eða Rafrænum skilríkjum. Þeir sem ekki eru komnir með Íslykil geta pantað hann með því að smella á hnappinn Mig vantar Íslykil sem er á innskráningarsíðunni. Þegar komið er inn á Mínar síður er tengill á atkvæðagreiðsluna – Kosning til formanns FF 2019. Merktu við þann frambjóðanda sem þú vilt kjósa sem formann FF.

Smelltu að lokum á flipann Kjósa og þá birtist eftirfarandi texti til að staðfesta að atkvæði hafi verið greitt: Atkvæði þitt hefur verið móttekið.

Ef þú vilt fresta því að greiða atkvæði skaltu smella á: Hætta við kosningu.

Nánari upplýsingar um atkvæðagreiðsluna eru veittar á skrifstofu KÍ en starfsmaður kjörstjórnar er Fjóla Ósk Gunnarsdóttir, netfang: fjola@ki.is sími: 595 1111.
 

Tengt efni