is / en / dk

28. október 2019

Sjö sjálfstæðir leikskólar hafna því að starfsfólk í fæðingarorlofi fái eingreiðslu að upphæð 105 þúsund krónur um næstu mánaðamót.

Leikskólarnir sem um ræðir eru Vinagarður (rekinn af KFUM/KFUK), Fossakot og Korpukot (reknir af LFA ehf.), Sjáland (rekið af Sjálandi), Leikgarður, Sólgarður og Mánagarður (reknir af Félagsstofnun stúdenta).

Þessir leikskólar tilheyra Samtökum sjálfstæðra skóla (SSSK) en þess má geta að FL hefur þegar gert samkomulag um viðræðuáætlun og eingreiðslu að upphæð 105 þúsund krónur til félagsmanna FL sem starfa í leikskólum á vegum sveitarfélagana og hjá 16 sjálfstætt starfandi rekstraðilum innan og utan SSSK. 

Haraldur Freyr Gíslason, formaður FL, segir félagið ekki munu skrifa undir samkomulag sem er á lakari nótum en fyrirliggjandi samningar við sveitarfélögin og 16 rekstraraðila sjálfstæðra skóla. Krafan sé skýr; starfsfólk í fæðingarorlofi eigi rétt á eingreiðslunni rétt eins og annað starfsfólk leikskólanna. 

 

 

 

 

 

 

Tengt efni